Sansar News- Nepal's Fast Khabar Online News Portal

हजुरको बुट

संसार न्यूज़
४ वर्ष पहिले
हजुरको बुट

prakash-guragai

हजुरको बुट सुम्सुम्याइरहँदा
म सोचिरहन्छु
किन मान्छे कसैको जुत्ता जति सम्मानित पनि हुनसक्दैन ?

हजुरको बुटको जस्तो कर्णप्रीय
सत्ये
अरु कुनै आवाज छैन
हजुरले जस्तै चिटिक्क मिलाएर लगाउन
अरु कसैले जानेकै छैन
हजुरको कालो चम्किलो बुटलाई
कुनै दिन
मैले अझ चम्किलो बनाउन नपाएको सुन्दा
नियास्रो मान्छन्
मेरा श्रीमति र छोराछोरी पनि ।

हजुरको बुट कहिल्यै फोहोर लागेन मलाई
त्यसलाई बोकेर हातमा
राखेर काखमा
पत्रपत्र केलाएर
हजुरले कुल्चेर आएका मजदुरका रगत
हजुरले कुल्चेर आएका सत्केरीका स्तन
हजुरले कुल्चेर आएको आफ्नै विर्य
कालो पोतेर छोपछाप पारेपछि
म मेरो भोक मेट्छु
तर, बुझ्दिन
हजुर किन मन पराउन्नुहुन्न कालो रंग ?

जुत्ता खोलेपछि
अलि पर तर्केर बस्नुहुन्छ
ताकी नछोइयोस् हजुरलाई
यी जुत्ता छोएका हातले
नलागोस् पालिसको रंग
हजुरको सफेद पोशाकमा
नआओस् पसिनाको गन्ध
हजुरले चपाएको पानमा मिसिएर
र देख्नु नपरोस्
आफ्नै जुत्ताले कति धेरै फोहोर टेकर जोगाउँछ हजुरलाई ।

हजुरका जुत्ता काला बनाउँदा बनाउँदै
मेरो दारी र कपाल सेता भइसके
मैले झारेको जुत्ताको धुलो
मैमाथि खनिएर
फुस्रा भैसके हातखुट्टा
आफुले आफैंलाई नचिन्ने गरी
बाक्लो भइसक्यो अनुहार
हजुर त उस्तै जवान देखिरहन्छु म ।

हजुर जस्तै भाग्यमानी छन् यी जुत्ता
घर पुग्नेवित्तिकै हजुरसँगै भित्रै जान्छन्
मइसापले आफ्नै हातले जतनसाथ खोलिदिनुहुन्छ
र मिलाएर राखिदिनुहुन्छ ¥याकमाथि
जहा“ पालिस बोकेको मान्छे पनि पुग्न सक्दैन ।

माफ गर्नुहोला हजुर
धेरै वर्षपछि आज मलाई
यो कालो पोलिस
हजुरकै अनुहारमा पोत्न मन लागेको छ ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ १ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ६ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…