Sansar News- Nepal's Fast Khabar Online News Portal

नेताले आमदामी गर्ने राजनीति

संसार न्यूज़
२ वर्ष पहिले
नेताले आमदामी गर्ने राजनीति

ठूलो आवजले
मेरो कान नै बन्ध भएको भान हुन्छ
राजतन्त्रको कम्जोर गोलिले
स्वतन्त्रताको दरिलो छाति विस्तारै पार गरेर
देशको गाथामा राजनीति थपिएको छ ।

उफ़ ! कति तातो भएको ?
एक्कासी शरिरको तापक्रम आकासियो,
कति हो कति, मानौ सूर्य नै मभित्र लुकेको छ ।

मैले स्वतन्त्रतालार्इ आलिङ्कन गर्दा
विजय धूनपाताकाहरू
अनन्त ध्वनीसम्म फैलिरहेको थियो ।

अहो ! त्यो आवज धेरै परसम्म पुगेछ क्यार
मान्छेहरूको कोलाहाल बड्न थाल्यो
सबैको ध्यानाकर्षण बिस्तारै
म भए तर्फ हुन थाल्यो।

मैले सदैव सेवा गरेको मालिकले
अतालिदै उसको हातले
मलाई समातेर बेस्सरी थिच्न थाल्छ ।

लामो सास फेरेर टाउकामा हात राख्छ
शासन सभ्यतालार्इ धारे हात लगाएर
यसरी भुतभुताउँछ कि
मेलै यस्तो कहिले सुनेको थिइँन ।

नानाथरिका गाली गर्दै
उ बरबराउन पो थाल्छ
मलाई यस्तो केको दशा लाग्यो ?
यसले कति ऋण तिर्न बाँकी छ
यसमाथिको लगानी सबै माटोमा मिल्यो ।

बितारै मेरो शरीरको तापक्रम
घटेर चिसो भइरहेको
प्रत्यक्ष अनुवभ गरिरहेको थिएँ ।

धेरै अफ्ठारा बाटाहरू हिँडिएछ जीवनमा
बल्ल बिश्राम पाइयो,
कहिले आरोह कहिले अवरोह
कहिले शहर गल्लीहरूमा
मेरा दैनिकीको निर्धारण
मेरो मालिकमा भर पर्थ्यो ।

जिन्दगी अर्कैले चलाएर होला
म धेरै कम्जोर भइसकेको थिएँ
म अस्पतालको शैयामा लडेको दिन
मालिकका दाँतबाट पसिनाको खहरे बग्थ्यो ।

अब कर्मफल टिप्ने बेला भएछ
थाहै नपाइकन आयु कालको हुने भो
जे नहुनु त भयो तर राम्रो भयो ।

बाँचेकै भए पनि, कति सास्तिहरू छन् तालुमा
कर्मले जीवन आदर्श बन्दो हो त
मेरा यी पाऊ घोटिएर शालीग्राम बन्नु पर्ने होइन ?

म आफ्नो बसमा भएको भए
मेरो पनि जीवन हुन्थ्यो
मैले बाँच्ने साहास हुन्थ्यो भाग्य
कर्मबाट जीवन ढलेका यो क्षण
मेरो छेउमा मेरा सपनाहरू हुन्थे
जसलार्इ देख्न मैले अगाडि आँखा चिम्लिएको हुन्छु ।

कुल्लीको कुनै देश हुँदो हो त
यतिबेला मेरो पार्थिव निधारमा
सग्लो राष्ट्रिय झण्डाको न्यानो हुन्थ्यो ।

मेरा सन्तान बन्दकी बसेको माटोमा
लास लडाएर साहु
मेरो छोराको पाखुरामा हातकडी लगाएर
किशोरी छोरीको कुमारित्वको दावामा छ ।

मेरै ढाड चड्यो जीवनभर
अनि आफू मस्ती गर्यो
एक थोपा आँसु झारेन
उसले दाहिने हातको बिदाइमा ।

सडकमा लास गल्न थालेको
एक युग भएको छ
नेता ठूलो भाषण गर्छ
“सहिदको सम्मान हुन्छ”
यो देशमा कहिलेसम्म
मज्दुरहरू गोलि खाएर
साहुको आँगनमा मज्दुर ढल्छन् ?

नेताले आमदामी गर्ने राजनीतिले
कहिलेसम्म जनता कङ्गाल बनाउने
कुटिल सभ्यता
यो देशले धान्न सक्छ ?

इति।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…