Sansar News- Nepal's Fast Khabar Online News Portal

देउसिरे

संसार न्यूज़
२ वर्ष पहिले
देउसिरे

आमा हो ! अँध्यारोमा आयौँ उज्यालो छ हातमा
पुरै होसहवासमा आयौँ सपना छ आँखामा
छुटेका छुटे उतै समयको चेपमा
जुटेका आयौँ बोलाउँदै बोलाउँदै द्वारद्वारमा
गहिरो निद्राबाट उठाउँदै आयौँ घरघरमा
भाइ हो देउसिरे भन
बहिनी हो देउसिरे भन ।

असजिलो बाटोमा पाइला राखेर आयौँ
निरङ्कुशता सल्काएर यही उज्यालोले
उज्यालोकै गीत गाउँदै आयौँ
आँखामा सपना फुलाउनु छ अब
उठ्नुहोस् बाबा ! उठ्नुहोस् आमा !
सम्बोधन गरेर यही समयलाई केही सुनाउनु छ अब
रोपेर खुशी यही बाटोमा पुग्नु छ दिगन्तसम्म
सधैँलाई लुकाएर दुःखको गीत
खोज्नु छ दिदीबहिनीको आँखामा नवीन सपना
भाइ हो देउसिरे भन
बहिनी हो देउसिरे भन ।

आमा हो ! पुग्नु छ टाढा छोप्नु छ सपना
पुर्याउनु छ उज्यालो टाढाटाढाको गाउँसम्म
हामी थाकेका होइनौँ लाचार भएर केही मागेका होइनौँ
दिदी हो हामी आएका छौँ औँसीमा उज्यालो ल्याएका छौँ
भाइ हो देउसिरे भन
बहिनी हो देउसिरे भन

छोडेर आयौँ उतैतिर दुःखको गीत
हिँड्दै आयौँ टेकेर समयको ढाडमा
बरफजस्तै चिसो रातमा आमाहरूलाई बोलाउँदै आयौँ
दिदीहरूलाई ब्युउँझाउँदै आयौँ
आँखामा अनेक सपना सजाउँदै आयौँ
भाइ हो देउसिरे भन
बहिनी हो देउसिरे भन ।

पालामा सल्काएर जीवनको सलेदो
दिदी हो उठेर हेर
आयौँ हामी समयको लठ्ठी टेकेर
आमा हो ! हामी विदा हुन्छौँ अब
बाबा हो ! हामी जान्छौँ अब
दिदी हो ! हामी जान्छौँ अब
विदा हुन्छौँ अब आशिकैआशिक दिएर
हामीले ल्याएको उज्यालो आउने छ यता
आएका हौँ हामी लामो बाटो हिँडेर
आफ्नै आँगनमा रमाउन आशाको उज्यालो बोकेर
खुशी हुनुहोस् दिदी !
खुशी हुनुहोस् दाजु !
आएका छन् भाइबहिनी रहरहरू सङ्गालेर
समय नहिँडोस् हामीलाई पुल बनाएर
नछलोस् समयले हिजोजस्तै हामीलाई सपना देखाएर
अब जानु छ टाढा
भाइ हो देउसिरे भन
बहिनी हो देउसिरे भन ।

इति

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…