१९ असोज, अङकरा । टर्कीको दक्षिणपूर्वी क्षेत्रमा आतङककारीहरूको हमलामा परी सात जना सुरक्षाकर्मी मारिएका छन् ।
बट्मान प्रदेशमा बिहीबार भएको घटनामा परी अरु दुई जना घाइते पनि भएको अधिकारीहरूले जानकारी दिएका छन् ।
कुर्दिस्टन वर्कर्स पार्टी (पिकेके)का सदस्यहरूले सडकमा बम पड्काएर उनीहरूको मृत्यु भएको बताइएको छ ।
सरकारी अधिकारीहरूले दिएको जानकारी अनुसार सुरक्षाकर्मीहरू चढेको सवारी साधनलाई लक्षित गरी उनीहरूले विस्फोटन गराएका थिए ।
घटनापछि सुरक्षाकर्मीले आक्रमणकारीहरूको खोजी तीव्र पारेका छन् । पिकेकेलाई टर्की, अमेरिका र युरोपेली संघले आतङ्ककारी संगठनको सूचीमा राखेको छ ।
वि.सं.२०७५ असोज १९ शुक्रवार १०:२९ मा प्रकाशित
