Sansar News- Nepal's Fast Khabar Online News Portal

क्याटलोनियाका पूर्व नेताहरूलाई मुद्धा चलाउन अदालतको आदेश

संसार न्यूज़
२ वर्ष पहिले
क्याटलोनियाका पूर्व नेताहरूलाई मुद्धा चलाउन अदालतको आदेश

९ कात्तिक, मड्रिड । स्पेनको सर्वोच्च अदालतले क्याटलोनियाका १८ जना पूर्व नेताहरू विरुद्ध मुद्धा चलाउन आदेश दिएको छ ।

गत बर्ष क्याटलोनियालाई स्वतन्त्र भएको घोषणा गरेपछि केन्द्र सरकारले उनीहरूलाई दोषी आरोपित गरेको थियो ।

सरकारले दोषी भन्दै जेलमा राखेका नौ जना पूर्व नेताहरू विरुद्ध मुद्धा प्रक्रिया अगाडी बढाउन बिहीबार अदालतले आदेश दिएको हो ।

क्याटलोनियाका पूर्व उपप्रमुख ओरिओल जुन्क्वेरालगायतलाई राज्यद्रोह गरेको आरोपमा सरकारले काराबासमा राखेको हो । सरकारको आरोप पुष्टि भएमा उनीहरूलाई २५ बर्षसम्मको जेल सजाय हुनेछ ।

तर क्याटलोनियालाई स्वतन्त्र राज्य घोषणा गराउन महत्वपूर्ण भूमिका खेलेका त्यस क्षेत्रका पूर्व प्रमुख कार्लस पुज्डेमोनलाई भने यस आदेशले नछुने भएको छ । उहाँ सरकारले पक्राउ गर्ने संकेत पाएपछि बेल्जियम निर्वासित हुनुभएको र सरकारले पक्राउ गर्न नसकेकाले उहाँलाई यस आदेशले नछुने भएको हो ।

अदालतको आदेशमा सरकारले नियन्त्रणमा लिएर जेलमा राखेकाहरूलाई मात्रै मुद्धा लगाउन भनिएको समाचारमा जनाइएको छ ।

जनमत संग्रहपछि बनेको क्याटलोनियाको संसदले गत बर्षको अक्टोबर २७ तारिखका दिन क्याटलोनियालाई स्वतन्त्र राज्य घोषणा गरेको थियो ।

त्यस अगाडी र पछाडी क्याटलोनियामा ठूला हिंसात्मक घटनाहरू पनि भएका थिए । यसलाई स्पेनको इतिहासमा सन् १९७५ पछिको सवैभन्दा खराब राजनीतिक अवस्थाको संज्ञा दिइएको छ ।

पूर्वनेता जुन्क्वेरासहित मुद्धा लाग्ने पूर्व नेताहरूमा क्याटलोनियाको संसदका पूर्व अध्यक्ष कार्म फोर्काडेल र तत्कालिन क्याटलोनिया सरकारका पाँच सदस्यहरू पनि रहेका छन् ।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…