१३ कात्तिक, काठमाडौं । मुलुकमा फूल उत्पादनको ठूलो सम्भावना हुँदा हुँदै पनि बार्षिक करोडौको फूल आयात हुने गरेको छ । गत आर्थिक वर्षको तथ्यांक अनुसार नेपालमा ११ करोड रुपैयाँ बराबरको फूल आयात भएको छ । निर्यात दुई करोड सीमित छ । फ्लोरिकल्चर एसोसियसन नेपालका अनुसार गत आव २०७४÷७५ मा ११ करोड बराबरको पुष्प तथा पुष्पजन्य वस्तु आयात भएकोमा दुई करोड ३७ लाखको निर्यात् भएको छ ।
संघका वरिष्ठ उपाध्यक्ष मीन बहादुर तामाङले मुलुकमा पुष्प उत्पादनको सम्भावना हुँदा हुँदै पनि चुनौती रहेको बताएको आजको नागरिक दैनिकमा समाचार छ ।
‘समग्रमा पुष्प व्यवसायको वार्षिक वृद्धिदर १० देखि १५ प्रतिशत हाराहारीमा छ,’ अध्यक्ष तामाङले भने, ‘यसलाई बढाउन विद्यमान समस्या समाधान आवस्यक छ । ’
वि.सं.२०७५ कात्तिक १३ मंगलवार ०८:१८ मा प्रकाशित