भारतको हरियाणाको भठ्ठुकलामा कार्यरत स्याङजाका बाबुराम सारुको मृत्युभएको छ । ३ छोराछोरी रहेका उनको कात्तिकको दोश्रो हप्तामा हृदयघातबाट मृत्यु भएको जानकारीमा आएको छ ।
आर्थिक अवस्था कमजोर भएका ४५ वर्षीय सारुको मृत्यु भएपछि उनको परिवारको विचल्ली बनेको छ ।
उनको मृत्यु भएपछि उनले आठवर्ष देखि काम गर्र्दै आएको होटलका मालिकसँग परिवालाई आर्थिक सहयोग गर्न भनेर त्यहाँका नेपालीले अनुरोध समेत गरेका थिए । तर, होटल मालिकले ५ हजार भन्दा बढी सहयोग गर्न नसकिने भनेपछि त्यहाँका नेपाली आक्रोशित बनेका छन् ।
‘हामिहरुले जीवन भरिनै मालिक भनेर काम गर्ने व्यक्तिहरुको सोच,देखावटी मायाको सच्चाई यस्तो रहेछ, श्रमजीवी श्रमिकको जीवनको मूल्य ५ हजार तोकिदिए ८ वर्षसम्म काम गरेको होटल मालिकले ।’ मुल प्रवाह अखिल भारत नेपाली एकता समाज नगर समिती हिसारका सचिव तारा सोमरेले भने ।
‘हिजो समाजका नगर सदस्य सुरेश क्षेत्री,ढाल बहादुर म लगायतका केही साथीहरु पीडित परिवारका लागि आर्थिक सहयोगको अपिल गर्दै त्यहाँ पुगेका थियौं’, सचिव सोमरेले आक्रोश व्यक्त गर्दै संसारन्युजसँग भने, ‘सहयोग गर्ने सम्झौता नगरे अदालतमा केश गर्ने भनेर आएका छौं ।’
वि.सं.२०७५ मंसिर ३ सोमवार ०९:०४ मा प्रकाशित