२५ मङ्सिर, न्होमपेन्ह । कम्बोडियामा सोमबार ७0औ मानव अधिकार दिवस मनाइएको छ । दक्षिणपूर्वी एशियाली यस राष्ट्रमा अन्तर्राष्ट्रिय मानव अधिकार दिवसका अवसरमा सार्वजनिक बिदा दिइएको थियो ।
देशका विभिन्न भागमा यस दिवसका अवसरमा आयोजित विभिन्न कार्यक्रममा हजारौँ व्यक्तिको सहभागिता रहेको जनाइएको छ । आफ्नो फेसबुक पेजमा कम्बोडियाका प्रधानमन्त्री हुन सेनले यस दिवसका अवसरमा बधाई तथा शुभकामना दिएका छन् ।
कम्बोडियाको सरकारले सबै जनताको मानव अधिकार र स्वतन्त्रतालाई बचाउ गर्ने पनि उनले प्रतिबद्धता व्यक्त गरेका छन् ।
स्वतन्त्रताको अधिकारबाट जनता स्वतन्त्र हुने र यसबाट उनीहरूको स्वतन्त्र भएर बाँच्ने अधिकार, धार्मिक अधिकार र नेता छान्ने अधिकारसमेत प्राप्त हुने हुन सेनले बताए ।
सरकारले जारी राखेका शान्तिका प्रयासमा सहभागी हुनका लागि पनि हुन सेनले आफ्ना देशको नागरिकलाई आह्वान गरेका छन् ।
वि.सं.२०७५ मंसिर २५ मंगलवार ०९:३० मा प्रकाशित