८ माघ, काठमाडौं । १९ पुसमा धादिङको गजुरीबाट चार किलो सुनसहित तीन व्यक्तिलाई पक्राउ गरेको भन्दै पत्रकार सम्मेलन गरेको थियो । प्रदेश ३ प्रहरी कार्यालय हेटौँडा र इलाका प्रहरी कार्यालय गजुरीबाट खटिएको टोलीले बरामद गरेको सुनसहित तीन आरोपिलाई सार्वजनिक गरेको थियो । प्रहरीेले यसरी बरामद गरेको सुन राजस्व अनुसन्धान विभागमा तत्कालै दाखिला गर्नुपर्छ । तर, राजस्व अनुसन्धान विभाग भन्छ, ‘धादिङमा बरामद भएको भन्दै प्रहरीले बुझाएको सुन होइन, तामा र ढलौट मिसिएको धातु हो ।’
इलाका प्रहरी कार्यालय गजुरीका इन्सपेक्टर नवराज ढुंगेल सुन नै बरामद गरेको विश्वासका साथ सञ्चारमाध्यममा सूचना दिएको बताउँछन् । बरामद भएको सुननै नक्कली हुन सक्ने अथवा बरामद भएपछि राजस्व अनुसन्धानसम्म पु¥याउँदा साटिएका हुन सक्ने दुवै सम्भावना छन् । विभागका महानिर्देशक दिर्घराज मैनाली यस्तो मामिला विभागमा पहिलोपटक आएको बताउँछन् । ‘हामी त छक्कै पर्यौ ।’ उनले भने । आजको नयाँपत्रिका दैनिकबाट
वि.सं.२०७५ माघ ८ मंगलवार ०८:०२ मा प्रकाशित