८ माघ, काठमाडौं । मुलुक कपास खेतीका लागि उर्वर रहेपनि यसको खेती खुम्चिँदा बार्षिक रुपमा अर्बौको कपास आयात भइरहेको छ । स्वदेशमा कपास खेती विस्तार नहुँदा बर्सेनी उत्पादन घटेर आयात बढ्दै गएको हो । स्वदेशमा प्रयाप्त उत्पादन नभएपछि यहाँका धागो उद्योगले विदेशबाट कपास आयात गर्दै आएका छन् ।
भन्सार विभागका अनुसार आर्थिक वर्ष २०७४÷७५ मा चार अर्ब ६४ करोड ६२ लाख रुपैयाँको कपास आयात भएको छ । यो अघिल्लो आर्थिक वर्षभन्दा २५ करोड २१ लाख रुपैयाँले बढी हो । आव २०७३÷७४ मा चार अर्ब ३९ करोड ४० लाख रुपैयाँको आयात भएको थियो । कपास खेती प्रवद्र्धनका लागि सरकारले कपास विकास समिति गठन गरेर काम गरेपनि पछिल्ले वर्ष कपास खेतीको उत्पादन निरन्तर घटिरहेको छ । आजको नागरिक दैनिकबाट
वि.सं.२०७५ माघ ८ मंगलवार ०८:३८ मा प्रकाशित