आयुर्वेदका अनुसार मुला स्वास्थ्यका लागि धेरै फाइदाजनक छ । नेपाली समाजमा मुलालाई अचारको रुपमा बढी प्रयोग गरिन्छ । साथै मुलालाई परौठा तथा तरकारीका रुपमा पनि प्रयोग गरिन्छ । बिज्ञानका अनुसार मुलामा फाइटोकेमिकल्स र एंथोक्यानिस नामक तत्व पाइने हुनाले यसले क्यान्सरको जोखिम समेत कम गर्ने स्वास्थ्यविज्ञको भनाई छ । साथै यसले सुगरको लेवल बढ्नबाट रोक्ने काम समेत गर्दछ ।
त्यस्तै मुलामा पाइने भिटामीन सीले रोग प्रतिरोधकको काम समेत गर्दछ । मुला खाँदा हुने अन्य फाइदा यी हुन् :
ब्लड प्रेसर नियन्त्रण गर्छ-मुलामा एन्टी हाइपरटेंसिव गुण पाइने हुनाले यसले उच्च रक्तचाप नियन्त्रण गर्नमा सहायक भूमिका खेल्छ । मुलामा प्रयाप्त मात्रामा पोटासियम समेत हुनाले यसले शरीरमा मेसोडियम र पोटासियमको अनुपातको ब्यालेन्समा राख्नुका साथै ब्लड प्रेसर सहि राख्ने स्वस्थ्य विज्ञको सुझाव छ ।
इन्सुलिन नियन्त्रण गर्छ – मुलामा पर्याप्त मात्रामा फाइवरले पाइने हुनाले यसमा रहेको तत्वले इन्सुलिन नियन्त्रण गर्ने काम गर्दछ । मुलाले सुगर लेवल नबढाउने हुनाले मधुमेह रोगीका लागि फाइदाजनक हुन्छ ।
चिसो र खोकीबाट छुट्कारा – चिसो र खोकीको समस्या भइरहने मानिसका लागि आफ्नो खानामा मुला समावेश गर्दा फाइदा हुन्छ । मुलामा एन्टी कन्जेस्टिव गुण पाइने हुनाले यसले कफ हटाउनमा सहयोग गर्दछ ।
विषालु पर्दाथ बाहिर निकाल्छ – मुला मिर्गौलाका लागि पनि बहुउपयोगी मानिन्छ । शरीरमा रहेको विषाक्त पदार्थ बाहिर निकाल्न काम गर्दछ । यसलाई नेचुरल क्लिींजर पनि भनिन्छ । साथै मुलामा पाइने फाइबर तत्वले कब्जियतका समस्या हुनेहरूका लागि अत्यन्तै फाइदाजनक हुने र पाचन प्रक्रिया पनि राम्रो हुने बताइन्छ ।
वि.सं.२०७५ चैत १ शुक्रवार १०:१९ मा प्रकाशित
