Sansar News- Online for Global Nepali

कोरियामा कार्यरत एक नेपालीको मृत्यु

संसार न्यूज़
१ वर्ष पहिले
कोरियामा कार्यरत एक नेपालीको मृत्यु

कोरियामा एक नेपालीको मृत्यु भएको छ ।  अर्घाखाँची घर भई हाल कोरियामा कार्यरत ३१ वर्षीय मधुसुदन श्रेष्ठ जेठ १२ (२६ मे) मा कोठामै मृत भेटिएका हुन् ।

श्रेष्ठ सिओलदेखि १ सय ४० किमीको दूरीमा रहेको छोङजु औद्योगिक क्षेत्रमा रहेको कपडा रिसाइकल गर्ने कम्पनीमा कार्यरत थिए ।

विदामा घर आएर पुन : कोरिया फर्किएका श्रेष्ठ कोठामा पनि एक्लै रहेकोले उनको हृदघातकै कारण मृत्यु भएको अनुमान गरिएको एनआरएनए कोरियाकी अध्यक्ष लक्ष्मी गुरुङले बताइन् ।

‘हामी आज भाइ कार्यरत कम्पनी र उनी बस्ने ठाउँमा गएका थियौ । एक्लै बसेका रहेछन् । आईतबार राति नै उनको मृत्यु भएको अनुमान गरिएको छ ।’ अध्यक्ष गुरुङले भनिन्, ‘खाना खाँदा खाँदै ढलेको अवस्थामा भेटिएका थिए । घरबेटीले बत्तिको बिल लिएर जाँदा ढोका नखोलेको र ड्युटी जानेबेलासम्म कुर्दा पनि ढोका नखुलेपछि ढोकाको प्वालबाट चियाएर हेर्दा खुट्टा पसारेको अवस्थामा देखिएको र तत्कालै प्रहरीलाई खबर गरेर हेर्दा उनी मृत भेटिएका थिए ।’

उनको शब अहिले छोङजुको अस्पतालमा रहेको र कम्पनीले सबै खर्च बेहोरेको पनि अध्यक्ष गुरुङले बताइन् ।

नेपाली दूतावास कोरियाका श्रम काउन्सीलर डिल्लीराम वास्तोला, अर्घाखाँची सम्पर्क समिति कोरियाका अध्यक्ष शुन्दर पन्थी, महासचिव दीपक बन्जाडेसहितको टिम घटनास्थल र श्रेष्ठ कार्यरत कम्पनीमा पुगेको थियो ।

‘यस घटनाले हामी दुःखमा परेका छौं । सिंगो समाज पीडामा छ । दूतावासको सहयोगमा जतिसक्दो छिटो यो हप्ताभित्रै शब घर पठाउन पहल गरिरहेका छौं ।’ अर्घाखाँची सम्पर्क समितिका अध्यक्ष शुन्दर पन्थीले संसारन्युजसँग भने ।
श्रेष्ठ एक छोरीका बाबु रहेको पनि पन्थीले बताए ।

सर्बाधिक पढिएको

यसरी गरे पूर्वसभामुख महराले पत्नीको अन्तिम विदाई (तस्बिरसहित)

यसरी गरे पूर्वसभामुख महराले पत्नीको अन्तिम विदाई (तस्बिरसहित) ३ हप्ता पहिले | संसार न्यूज़

१९ कात्तिक, काठमाडौं ।  पूर्वसभामुख कृष्णबहादुर महराले उपचारका क्रममा मृत्यु…

सेनाका पाँच प्रमुख सेनानीहरु महासेनानीमा बढुवा

सेनाका पाँच प्रमुख सेनानीहरु महासेनानीमा बढुवा २ हप्ता पहिले | संसार न्यूज़

२७ कार्तिक, काठमाडौँ । नेपाली सेनाका पाँच प्रमुख सेनानीहरु महासेनानीमा…

ठूलो संख्यामा लोक सेवाको विज्ञापन ( हेर्नुस् यो सूचना)

ठूलो संख्यामा लोक सेवाको विज्ञापन ( हेर्नुस् यो सूचना) ३ दिन पहिले | संसार न्यूज़

८ मंसिर, काठमाडौँ । बागमती प्रदेश लोक सेवाले ठुलो सङ्ख्यामा…

मनोज गजुरेलको पूर्वपत्नि मीनाको भावुक स्टाटस – तिम्रो जीवन मेरो लागि महत्वपूर्ण छ, हार नमानिदेउ

मनोज गजुरेलको पूर्वपत्नि मीनाको भावुक स्टाटस – तिम्रो जीवन मेरो लागि महत्वपूर्ण छ, हार नमानिदेउ ३ हप्ता पहिले | संसार न्यूज़

हाँस्य कलाकार मनोज गजुरेल यतिबेला कोरोना भाइरस संक्रमणका कारण आइसियुमा…