Sansar News

चन्द्र शमशेर जतिपनि हिम्मत नभएको सरकार

रविन्द्र श्रेष्ठ
१ महिना पहिले
चन्द्र शमशेर जतिपनि हिम्मत नभएको सरकार

 

पशुपति मन्दिरको सम्पति विवरण भनेर सरकार मातहतको पशुपति क्षेत्र विकास कोषले विवरण सार्वजनिक गरेको छ । तर मूल ढुकुटीको विवरण सार्वजनिक नगरिएको तथा अरु ढुकुटीको विवरण पनि अधुृरो सार्वजनिक गरिएको छ ।

धेरैले पशुपतिनाथ मन्दिरको अथाह सम्पति हिनामिना भएको आशंका गरेका छन् ।

सार्वजनिक गरिएको विवरण अनुसार मात्रै पनि करीव ९ किलो सुन रहेको छ । १ अर्ब २९ करोड नगद विभिन्न वंैकमा रहेको जनाइएको छ । करीव १८ हजार रोपनी जमीन रहेको छ ।

मूल ढुकुटी नखोल्न सर्वोच्च अदालतले आदेश दिएकोले सो खोलिएको छैन । तर सर्वोच्च अदालतले के कति कारणले सो आदेश जारी गरेको थियो र अहिले सम्म किन सो ढुकुटी खोलेर सही विवरण जनता सामु ल्याउन नयाँ आदेश दिएन भन्ने विषयमा सरकारले र सरोकारवाला सबैले सोचेर सो आदेश वदर गराउने वेला भैसकेको छ । देशको सम्पति वारे यस्तो रहस्य वनाइराख्नुले वेइमानी गर्नेहरुले फाइदा उठाउनेछ ।

यस्तो सार्वजनिक मन्दिरको सम्पति सार्वजनिका हितमा प्रयोग गर्ने चलन पहिलेदेखि चलेको नै हो । चन्द्र शमशेरले समेत पनि नेपालवाट दास प्रथा उन्मुलन गर्न पशुपतिको ढुकुटीवाट ३६ लाख ७० हजार रुपैयाँ झिकेर त्यसमा आफु र सरकारले १४ लाख रुपैयाँ थपेर नेपालका सबै दासदासीहरुलाई मालिकहरुवाट मुक्त गरेका थिए । त्यो वेला ५९ हजार ८ सय दासदासीहरु मुक्त गरिएको थियो । उनीहरुलाई अमलेख गन्जमा वसोवासको व्यवस्थापनि सरकारले गरेको थियो । त्यो वेला नेपालको जनसंख्या करीव ५५ लाख थियो ।

३६ लाख रुपैयाँ भनेको त्यो वेलाको ठूलो रकम हो । उपत्यकामा १०० रुपैयाँमा एक रोपनी जमीन पाइने वेला थियो । त्यो भनेको ३६५०० रोपनी जमीन वरावर भयो । यो भनेको अहिले २ करोड प्रति रोपनीको हिसावले ७३ हजार करोड रुपैया भयो । अर्थात ७ खर्ब ३० अर्ब रुपैयाँ । यो भनेको नेपालको अहिलेको वजेटको आधा रकम भन्दा वढी हो ।

मूल ढुकुटी र अरु सबैको वास्तविक हिसाव आउने हो भने अरबौं रुपैयाँ जमीन वाहेक नै पशुपतिनाथ मन्दिरको रहेको हुने अनुमान विज्ञहरुको छ ।

पहिलो, यस मन्दिरको हिसाव पारदर्शि गर्ने आदेश सरकारले दिनु पर्दछ । नगरे कारवाहीको दायरामा ल्याइनु पर्दछ । दोश्रो, सो सम्पति जनताको कल्याणको लागि प्रयोग गरिनु पर्दछ । सो सम्पतिवाट अस्पताल कलेज खोल्ने व्यवस्थाको शुरुवात गर्ने हिम्मत ओली सरकारले गर्नु पर्दछ । सो सम्पतिवाट देशमा विद्यमान दुइखाले शिक्षा प्रणाली अन्त गर्न सकिन्छ ।

तर यस्तो वलियो सरकार भएको वेला पनि चन्द्र शमशेरले जतिपनि हिम्मत गर्न सकेको छैन । यो दुखको कुरा हो ।

भर्खर

श्रावण महिनामा के गर्दा राम्रो हुन्छ त ?

श्रावण महिनामा के गर्दा राम्रो हुन्छ त ? १३ मिनेट पहिले | संसार न्यूज़

आजदेखि श्रावण महिना सुरु भएको छ । धार्मिक रुपमा यस…

युवालाई स्वरोजगार बनाउन बिनाधितो ऋण

युवालाई स्वरोजगार बनाउन बिनाधितो ऋण १ घण्टा पहिले | रासस

१ साउन, पाल्पा । तानसेन नगरपालिकाले युवालाई स्वरोजगार बनाउन बिनाधितो…

एक लाखको राष्ट्रिय पुरस्कार

एक लाखको राष्ट्रिय पुरस्कार १ घण्टा पहिले | रासस

१ साउन, विराटनगर । मोरङको हरियाली सामुदायिक वन उपभोक्ता समूहले…

वडाध्यक्षले फिर्ता गरे रु. ६५ हजार बेरुजु भत्ता

वडाध्यक्षले फिर्ता गरे रु. ६५ हजार बेरुजु भत्ता १ घण्टा पहिले | रासस

१ साउन, भद्रपुर । झापाको मेचीनगर नगरपालिका–६ का अध्यक्ष ललित…