अमेरिकाको नर्थ सियाटलमा बसिरहेकी नेल सलोनकि मालिक्नि(साहुनी साराको चार चार वटा बच्चा खेर (मिसक्यारेज) गएपछि उनलाइ हेक्का भयो कि नेल सलोनमा प्रयोग गरिने बिभिन्न रसायनिक(केमिकल) पदार्थहरु शरिर र जनस्वास्थ्यका लागि अत्यन्त हानिकारक र खतरा हुने रहेछ ।
त्यसैगरी अर्की नेल सलोनमै कार्यरत ओटाभालो नाम गरेकी महिलाको पनि गत स्प्रिङ्ग सिजनमा तेश्रोपटक बच्चा खेर गयो । यति मात्रै होइन लामै समय नेल सलोनमा काम गर्दै आइरहेकी मनिकाको तीन बर्षे छोरा शारिरिक एबंम मानसिक रुपमा स्वस्थ छैन ।
यसको मतलब पछिल्ला बर्षहरुमा नेल सलोनमा काम गर्ने महिला एबम पुरुषहरुको स्वास्थ्यमा नेल सलोनको रसायनिक तत्वहरुको प्रयोगबाट प्रत्यक्ष एबम अप्रत्यक्ष रुपमा परिरहेको असरको चर्चा, चासो ह्वात्तै बढिरहेको छ । पब्लिक तहदेखि सरकारी फेडरल एबम राज्य सरकार र गैरसरकारी सघ सस्थाहरु पनि नेल सलोनमा कार्यरत कामदारहरुको स्वास्थ्य प्रति चासो, चिन्ता सङ्गसङ्गै कानुनी हिसाबले कडाइ एबम जनचेतनाका लागि थप क्रियाशिल बन्दै गैरहेका छन् ।
बोस्टनको सेफ्टी र हेल्थ म्यागेजिनका अनुसार नेल सलोनमा कार्यरत कामदारहरु मध्ये ४४५मा टाउको दुख्ने, २८५ मा कामप्रति बिकर्षण र केन्द्रित हुनै नसक्ने प्रभाव देखियो ।
नेल सलोनमा प्रयोगमा ल्याइने ४ किसिमका रसायनिक तत्वहरु मुख्यरुपमा अत्यन्त हानिकारक हुने गर्दछ । यि रसायनिक तत्वहरु मन्द बिष हुन् भन्दा भयो । यसका कारणले स्वास्थ्यमा कुनै ढिला त कुनै तत्कालै बिभिन्न असरहरु देखा पर्ने हुन्छ ।
मुलत नेपालबाट अमेरिका आएका अधिकाश महिलाहरु चाहे न्युयोर्क होस, चाहे क्यालिफोर्निया होस्, चाहे टेक्सास वा अन्य राज्यहरुमा होस अधिकाश महिलाहरु नेल सलोनमा कार्यरत छन् । नेपालबाट केहि सिकेर आउने वा यतै आइ आफ्ना साथि सर्कल वा आफन्त मार्फत वा कुनै अन्य मार्फत अधिकाश महिलाहरुको कामको पहुच भनेकै नेल सलोन हो अमेरिकामा । भाषागत पुर्णता पनि आबश्यक परेन, अत्यन्त तालिम एबम हार्डवर्किङ्ग पनि आबश्यक परेन नेल स्पा सलोनमा काम गर्न । आखि भौ, कान, काखुति, जुङ्गा, भजिना सरसफाइ देखि फेसियल सम्म, आँखाको परेला थप्ने देखि मालिस सम्म हुने गर्दछ यस्ता नेल स्पा सलोनहरुमा । मिनिमम तलब भन्दा टिप्स नै जम्मा हुने गर्दछ यस्ता सलोनहरुमा कार्यरत महिला एबम पुरुषहरुको । यहि टिप्सको खुशी र कमाइमा सलोनमा प्रयोग हुने रसायनिक केमिकल तत्वहरुको असर र जोखिम प्रति धेरैको चासो देखिदैन । मैले टिप्सबाट यति कमाए, मैले टिप्स यति घर लगे, फलानाले यति टिप्स दियो भन्दाभन्दै जनस्वास्थ्य र शरिरमा भैरहेको असर भुल्ने र बेवास्ता गर्नेहरु मनग्गे छन् ।
नेल सलोनमा प्रयोगमा ल्याइने ४ किसिमका रसायनिक तत्वहरु मुख्यरुपमा अत्यन्त हानिकारक हुने गर्दछ । यि रसायनिक तत्वहरु मन्द बिष हुन् भन्दा भयो । यसका कारणले स्वास्थ्यमा कुनै ढिला त कुनै तत्कालै बिभिन्न असरहरु देखा पर्ने हुन्छ ।
केहि बर्ष यस्ता नेलमा काम गरिसकेपछि टोलै पिच्छे नेल सलोन खुल्दै गैरहेका छन अमेरिकामा नेपालीका । पन्जा, मास्क एबम अन्य साबधानिका लागि कानुनि हिसाबले कडाइ गर्दै लगेपनि यस्ता केमिकलहरुको असरबाट बच्न सकिन्छ भन्ने होइन ।
के के हुन त ४ किसिमका खतराजन्य हानिकारक रसायनिक केमिकल र यसबाट हुने असरहरु–
१-टोल्न Toluene
क) छाला सुख्खा हुने र फाट्ने ।
ख) आँखा, नाक र घाटी पोल्ने, इरिटेड बनाउने र चिलाउने ।
ग) टाउको दुख्ने र तिर्मिराउने ।
घ) गर्भपतन हुनसक्ने, महिलाको गर्भाधानमा असर पुर्याउने र बच्चा खेर जान सक्ने ।
ङ) ब्रेनमा असर गर्ने जसबाट सोच्न, सम्झिन पहिचान गर्ने सक्ने क्षमतामा ह्रास हुने ।
२- फर्मलडिहाइड ormaldehyde
क) आँखामा पानी आइरहने र आँखा पोल्ने ।
ख) स्वाशप्रश्वासमा गम्भीर असर, आज्मा, खोकी र श्वास फेर्दा आबाज आउने ।
ग) क्यान्सर
घ) एलर्जि हुने र छालमा धब्बा शुरु हुने ।
३-डिबुटिल प्याथालेट Dibutyl Phthalate
पुरुषहरुको रिप्रडक्टिभ बर्थमा असर
४- मेथाइल मेथाक्रिलेट एमएमए Methyl Methacrylate
क) आखा रातो हुने र चिलाउने, छाला सुन्निने ।
ख) घाटी चिलाउने, नाक चिलाउने, सिङ्गान आइरहने र खोकि लाग्ने ।
ग) टाउको दुख्ने, घुमाउने, तिर्मिराउने ।
घ) ध्यान केन्द्रित नहुने र बिकर्षण बढ्ने ।
ङ) मासु कमजोर हुने र प्यासिभ नम्बनेस बन्दै जाने ।
त्यसैले नेल सलोनमा काम गर्दा सेफ्टि मेजर अपनाउने र यस्ता रसायनिक तत्वहरुको प्रयोग गर्दा साबधानि अपनाउनु उत्तम हुनेछ । यस्ता गम्भिर रसायनिक तत्वबाट शरिर एबम जनस्वास्थ्यमा पर्ने जाने खतराजन्य असर डलरको कमाइ वा टिप्सले भरताल गर्दैन । त्यसैले सकेसम्म नेल सलोनमा काम गर्दै नगर्ने गरे पनि अत्यन्त सावधानि अपनाउनु होला ।
वि.सं.२०७६ असार ३ मंगलवार ०९:४७ मा प्रकाशित