Sansar News

लघुकथाः भाकल

संसार न्यूज़
१ महिना पहिले
लघुकथाः भाकल

सन्त बहादुर र पुकुलीले घरमा पटक्कै सुख शान्ति भएन भनेर कालीथानकी देवीलाई भाकल गरेअनुसार एकजोडी बोकापाठीको भोगदिन घरकै घोर्ली बाख्राका पाठापाठीलाई पानी हालेर भाकेका थिए ।

आज कालीथान जानेदिन । नुहाई धुहाई सकेर भाकल सामाग्री ठिक्क पारेपछि पाठा निकालेर सन्तेले डोरी समात्यो ।

जोडिपाठा आमालाई छोडेर एक्लै हिड्नु पर्दा सार्है डराएर कराए,घोर्लीले सान्त्वना दिदै कराई जाओ न जाओ आफ्नै मालिक मालिक्नीसँग त छौ नि पराईसँग छैनौ त ! भरे लिएर आईहाल्छन नि ? आमाको भरोसा लाग्दो बचन पाएर पेटेटे–पेटेटे गर्दै पाठा सन्तेका पछिलागे ।

भरे फर्किदा सन्ते रित्तोहात आएको देखेर घोर्लीको मुटु चस्कियो,उ आत्तिदै कराउन थाली । सन्तेले घोर्लीलाई कराउछस् ? भन्दै सिर्कनाले कुट्तै थियो यत्तिकैमा सन्तेको मोबाईल बज्यो, ‘हेलो ! को बोल्नु भो ?’ उताबाट जवाफ आयो, ‘हामी पुलिस डिपार्टको मान्छे बोलेको, अम्बर बहादुर तपाईको को हो ?’ भक्तेले अँध्यारो मनपार्दै भन्यो ‘मेरो छोरो हो हजुर,किन ? के भयो ? के गल्ती गर्यो उसले ?’ आत्तिएको स्वरमा सोध्यो ।

उताबाट आवाज आयो, ‘तपाईको छोरा सडक दुर्घटनामा परेर चिंन्ताजनक अवस्थामा छ ।’

सन्तेले खुईया गर्दै मेरो वावु भनेर डाको छोडेर करायो । उता पुकुलीले घरै उचालेर चिच्याउदै रून थाली । गोठका बाछापाडा,गाईगोरू ड्वाँ ड्वाँ गर्न थाले, काले कुकुरले आँगनमा ठाडो घाँटी लगाएर उ उ उ उ उ उ उ गरेर रून थाल्यो,खोरका बाख्रा पनि कराँउन थाले ।

सुन्ने र देख्ने जो कोहीलाई लाग्थ्यो सन्ते र पुकुलीको त्यो दर्दनाक दृश्यमा ति सबै सबै पशुहरूसमेत असैह्य वेदनाले भावविह्वल भएर रोईरहेका थिए ।

सर्बाधिक पढिएको

कथा : माइलो

कथा : माइलो १ महिना पहिले | चन्दा थापा (चन्द्रिका)

रात आधाउधि घर्केको छ । घण्टाघरले ट्याङ–ट्याङ १२ बजेको संकेत…

यति भनेर गए उनी ‘तिमी साहसी बन्नुपर्छ’

यति भनेर गए उनी ‘तिमी साहसी बन्नुपर्छ’ ४ हप्ता पहिले | गंगा खतिवडा, काठमाण्डौं

दिव्य शक्ति पाएको महसुस भइरहेको छ आज मलाई । धैर्य,…

कथा : २१ वर्ष

कथा : २१ वर्ष १ हप्ता पहिले | संसार न्यूज़

नलानुस म्याम, तपाइँले सक्नु हुन्न यस्लाइ । लुकिलुकि गाजा र…

लघुकथा : आरक्षण

लघुकथा : आरक्षण ४ हप्ता पहिले | महेश श्रेष्ठ

‘यो सार्कीको छोरो पढ्दै पढ्दैन दाइ’ विष्णुप्रसाद पौडेलले सुनाउदै भने,…

लघुकथा : एडभान्स

लघुकथा : एडभान्स १ दिन पहिले | अरुणबहादुर खत्री ‘नदी’

मेरो घरमा दुइटा कोठा खाली भएपछि एकजना बुढी आइमाई कोठा…

लघुकथा-तुहिएकी आइमाई

लघुकथा-तुहिएकी आइमाई १ दिन पहिले | रजनी खत्री, काठमाण्डौं

बुवाको आँखाको नानी बिहेपछि कस्तो अनौठो भो जिन्दगानी । बिबाह…