Sansar News- Nepal's Fast Khabar Online News Portal

कविता-ठोक सलामी ए मलामीहरु हो

राजबाबु श्रेष्ठ ’सागर’
३ महिना पहिले
कविता-ठोक सलामी ए मलामीहरु हो

मेरो देश दुखिरहेछ
तर यहाँ
लाखौँ मलामीहरुको भिड
सलामी ठोकिरहेछ बर्दी लगाएर
बेजान मुर्दालाई ।

ए मलामीभिडमा
सलामी ठोक्ने बर्दीहरु हो !
आऊ
मलाई बुटैबुटले ठोक
हो,
मलाई बुटैबुटले ठोक
किनकि, मैले गल्ती गरेँ
म,
देशलाई काँधमा बोकिहिँड्ने भरिया भएँ ।

तैपनि म,
मेरो देशलाई
मुटुमा बोक्छु
छातीमा बोक्छु
शिरमा बोक्छु
जब बोक्छु
आँखामा देशलाई
तब बग्छ
कर्णालीझैँ देशसँगै आँखा ।

ठोक सलामी, अझै ठोक
पुच्छरबाट लुछ्दै
मुटुकलेजो खान भ्याउने
धारिला दाँत भएका ब्वाँसाहरुलाई
जिउँदो हुँदा पनि ठोक
मरेपछि पनि ठोक सलामी
पड्काऊ तोप
डरको देहावसान हुने गरी
र चलाऊ बुल्डोजर
भर्खरै जन्मिएका शिशु विचारहरुमाथि
तर, देशको छातीमाथि बसेर
बिस्ट्याउनेहरुलाई सलाम गर
र ठोक सलामी
जिउँदो हुँदा पनि ठोक
मरेपछि पनि ठोक सलामी
ए मलामीहरु हो ।

एकदिन देशै विक्री हुने छ
यिनैका हातबाट
ठूलो ठेकेदारको हातमा
त्यस दिन आर्यघाटमा भेला भएर
फेरि
कुन चितामा सुताएर
सलामी ठोक्छौ
आफ्नै देश चपाउनेहरुलाई ?

ए मलामीहरु हो !
मलाई जबाफ चाहियो,
ए सलामी ठोक्नेहरु हो !
मलाई जबाफ चाहियो
आजै, अहिल्यै, यति खेरै ।

गौशाला न.पा. १, महोत्तरी
९८६११९६९६६

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ २ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा २ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ३ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ २ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…