Sansar News

लागुऔषध ब्राउन सुगरसहित एक पक्राउ

रासस
१ महिना पहिले

२४ असार, लहान । प्रहरीले सिरहाको गोलबजारबाट लागुऔषध ब्राउन सुगरसहित एक युवकलाई पक्राउ गरेको छ ।

विशेष सूचनाको आधारमा जिल्ला प्रहरी कार्यालय सिरहा र इलाका प्रहरी कार्यालय गोलबजारबाट खटिएको प्रहरी टोलीले लागुऔषध ब्राउन सुगरसहित गोलबजार नगरपालिका–५ निवासी २५ वर्षीय बलिराम महतोलाई पक्राउ गरेको हो ।

पक्राउ परेका महतोको घरमा खानतलासी गर्दा लागुऔषध ब्राउन सुगर छ किलो ३०० ग्राम बरामद भएको र निजको शरीर तलासी गर्दा नगद रु २२ हजार ८१० र सामसुङ कम्पनीको मोबाइल एक थानसमेत बरामद भएको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले जानकारी दिए ।

महतोमाथि थप अनुसन्धान भइरहेको प्रहरी नायब उपरीक्षक बोहराले बताए । यस्तै प्रहरीले सिरहा नगरपालिका–१९ दशगजाबाट करीब रु ५० हजार मूल्य बराबरको अवैध मदिरा बरामद गरेको छ ।

नेपालबाट भारततर्फ जाँदै गरेको बीआर३२एच ९००६ नंको मोटरसाइकललाई शङ्का लागेर जाँच गर्दा तीन कार्टुन बियर, दुई कार्टुन सोफिया मदिरा, एक कार्टुन ब्ल्याक रक्सी बरामद गरेको छ ।

पोखरीमा डुबेर नाबालिकाको मृत्यु पोखरीमा डुबेर सिरहाको औरही गाउँपालिका–५ बबनटोलीमा एक नाबालिकाको मृत्यु भएको छ ।

सार्वजनिक पोखरीमा खेल्ने क्रममा डुबेर स्थानीय भरत यादवको अढाई वर्षीया छोरी अन्सु यादवको मृत्यु भएको हो । पोखरीमा डुबेर सिकिस्त भएकी अन्सुलाई स्थानीयवासीले उद्धार गरी उपचारका लागि प्राथमिक स्वास्थ्य केन्द्र औरही लैजाँदै गर्दा बाटोमा मृत्यु भएको जिल्ला प्रहरी कार्यालय सिरहाले जनाएको छ ।

सर्बाधिक पढिएको

वर्षा र बाढीका कारण मृत्युहुनेको संख्या ३० पुग्यो, १८ वेपत्ता

वर्षा र बाढीका कारण मृत्युहुनेको संख्या ३० पुग्यो, १८ वेपत्ता १ महिना पहिले | संसार न्यूज़

२८ असार, काठमाण्डौं । विहिबार रातिदेखि आएको अविरल वर्षा तथा…

घुस लिइरहेको अवस्थामा रंगेहात पक्राउ परे इन्जिनियर यादव

घुस लिइरहेको अवस्थामा रंगेहात पक्राउ परे इन्जिनियर यादव १ महिना पहिले | संसार न्यूज़

३ साउन, सर्लाही । रामनगर गाउँपालिका सर्लाहीमा कार्यरत इन्जिनियर रामजी…

सवारी दुर्घटनामा परी एकको मृत्यु

सवारी दुर्घटनामा परी एकको मृत्यु १ महिना पहिले | संसार न्यूज़

३० असार, धनुसा । धनुषामा भएको सवारी दुर्घटनामा परी १…

बाढी प्रभावित क्षेत्रमा निःशुल्क स्वास्थ्य शिविर सञ्चालन

बाढी प्रभावित क्षेत्रमा निःशुल्क स्वास्थ्य शिविर सञ्चालन १ महिना पहिले | रासस

३ असार, लहान । सिरहाको बाढी प्रभावित क्षेत्रमा जिल्ला स्वास्थ्य…

वन विवाद संवैधानिक इजलासमा सुनुवाई हुने

वन विवाद संवैधानिक इजलासमा सुनुवाई हुने ३ हप्ता पहिले | संसार न्यूज़

१८ साउन, काठमाडौँ । सर्वोच्च अदालतले सङ्घीय सरकारविरुद्ध प्रदेश नं…

लागुऔषध ब्राउन सुगरसहित एक पक्राउ

लागुऔषध ब्राउन सुगरसहित एक पक्राउ १ महिना पहिले | रासस

२४ असार, लहान । प्रहरीले सिरहाको गोलबजारबाट लागुऔषध ब्राउन सुगरसहित…