Sansar News

जर्मनीमा मृत्यु भएकी नेपाली चेलीको शब पठाउन सहयोग गर्न अनुरोध

संसार न्यूज़
६ दिन पहिले
जर्मनीमा मृत्यु भएकी नेपाली चेलीको शब पठाउन सहयोग गर्न अनुरोध

११ जुलाई, काठमाण्डौं । उपचारका क्रममा जर्मनीमा मृत्यु भएकी नेपाली चेलीको शब नेपाल पठाउनका लागि आर्थिक सहयोग गर्न एनआरएनए जर्मनीले अनुरोध गरेको छ ।

दोलखा जिल्ला घर भई साइप्रसमा कार्यरत बोनम्यारो पीडित मिङमाडोमा शेर्पा उपचारका लागि डेढवर्षदेखि जर्मनीको बर्लिनस्थित एक अस्पतालमा उपचार गराउँदै आएकी थिइन् । शेर्पाको उपचारका क्रममा ६ जुलाइका दिन मृत्यु भएको थियो ।

उनको मृत्यु पश्चात नेपाल शब पठाउनका लागि झण्डै ७ हजार युरो रकम आवस्यक पर्ने हुनाले नेपाली दूतावास जर्मनी, जर्मनीमा क्रियाशील सबै नेपाली संघ संस्थाहरुलाई यस दुःखद घडीमा सहयोग गरिदिन एनअराएनए जर्मनीका अध्यक्ष विजय मोक्तानले अनुरोध गरेका छन् ।

‘वैदेशिक रोजगारमा मृत्यु हुने श्रमिकहरुको पार्थिब शरीर नेपाल सरकारको खर्चमा नेपालसम्म पुराउने व्यवस्था भएको भन्ने सुन्नमा आएता पनि नेपाली दूताबास जर्मनीसँग बजेटको अभाव भएको र मृतकको कर्मथलो साइप्रसलाई नेपाली दूतावास इजराईलले हेर्ने गरिएको देखिएकोले दुई दूतावास बिच समन्वयको लागी बार्ता भईरहेको जानकारी नेपाली दूतावास बर्लिन दिएको छ ।’ अध्यक्ष मोक्तानद्धारा गरिएको अनुरोधमा भनिएको छ, ‘यदि शबलाई नेपाली दूतावासको रोहवरमा तोकिएको समयमा नबुझेको खण्डमा बेवारिस ठहर गरी स्थानीय सरकारले नै दाहसंकार गर्ने प्रचलन छ । अत : यस दुखद समयमा हामी सबै गैरआवासिय नेपालीहरु एक भएर शबलाई नेपाल पठाउनको निम्ती आवश्यक आर्थिक सहयोगको लागी सबै जर्मनी निवासी सम्पूर्ण नेपाली दाजुभाई तथा दिदीबहिनीहरुलाई हार्दिक अनुरोध गर्दछु ।’

मोक्तानले शेर्पाको शब नेपाली पठाउन सहयोग गर्नेहरुको नामावली तथा विवरण सार्वजनिक गरिने बताउँदै निम्न विवरणसहितको खाता खोलिएको जानकारी समेत दिएका छन् ।

Volksbank Bönen eG
Emergency Fundraising Account
IBAN: DE97 4106 2215 006263 7001
Account Number: 62637001
BLZ: 41062215
Reference : Mingma Doma Sherpa / Berlin

भर्खर

युवालाई स्वरोजगार बनाउन बिनाधितो ऋण

युवालाई स्वरोजगार बनाउन बिनाधितो ऋण ४७ मिनेट पहिले | रासस

१ साउन, पाल्पा । तानसेन नगरपालिकाले युवालाई स्वरोजगार बनाउन बिनाधितो…

एक लाखको राष्ट्रिय पुरस्कार

एक लाखको राष्ट्रिय पुरस्कार ५४ मिनेट पहिले | रासस

१ साउन, विराटनगर । मोरङको हरियाली सामुदायिक वन उपभोक्ता समूहले…

वडाध्यक्षले फिर्ता गरे रु. ६५ हजार बेरुजु भत्ता

वडाध्यक्षले फिर्ता गरे रु. ६५ हजार बेरुजु भत्ता १ घण्टा पहिले | रासस

१ साउन, भद्रपुर । झापाको मेचीनगर नगरपालिका–६ का अध्यक्ष ललित…

बाढीको कारण त्रियुगा नदीको पुल भत्कन थाल्यो

बाढीको कारण त्रियुगा नदीको पुल भत्कन थाल्यो १ घण्टा पहिले | रासस

१ साउन, गाईघाट । पूर्वपश्चिम राजमार्गअन्तर्गत सप्तरीको कदमाहा हुँदै उदयपुर…