Sansar News

एक लाखको राष्ट्रिय पुरस्कार

रासस
१ महिना पहिले

१ साउन, विराटनगर । मोरङको हरियाली सामुदायिक वन उपभोक्ता समूहले देशकै उत्कृष्ट गणेशमान सिंह राष्ट्रिय प्रथम पुरस्कार प्राप्त गरेको छ । पथरी शनिश्चरे नगरपालिका–३ स्थित सो समूह देशभरिकै दुई हजार २०० सामुदायिक वन समूहबाट छनोट भई उत्कृष्ट हुन पुगेको डिभिज वन कार्यालय विराटनगरका प्रमुख विशाल घिमिरेले जानकारी दिए ।
पुरस्कारको राशि रु एक लाख र प्रमाणपत्र रहेको छ । यस्तै, उत्कृष्ट निजी वन धनीतर्फ सुनवर्सी नगरपालिका–६ (गोविन्दपुर टुकियाखाडी)का निजी वन धनी नीलबहादुर चौहान (सालबाजे) ले राष्ट्रियस्तरको द्वितीय पुरस्कार प्राप्त गरेका छन् । पुरस्कारको राशि रु ७५ हजार र प्रमाणपत्र रहेको छ । उनले २३ वर्षअघिदेखि साल प्रजातिका बीउ रोपण गरेर निजी वन हुर्काउन सफल भएका छन् ।
गणेशबहादुर शाही राष्ट्रिय संरक्षण पुरस्कारतर्फ मङ्गलबारे सवडिभिजन कार्यालय मोरङका कार्यरत कर्मचारी टङ्कबहादुर विकले द्वितीय पुरस्कार प्राप्त गर्नुभएको छ । पुरस्कारको राशि रु ७५ हजार र प्रमाणपत्र रहेको छ

यसैगरी, अतिरिक्त कार्यालयको सम्पूर्ण क्रियाकलापको समग्र मूल्याङ्कन गर्दै डिभिजन वन कार्यालय मोरङका प्रमुख विशाल घिमिरेलाई पनि सम्मान गरिएको छ । वन तथा भू–संरक्षण विभागद्वारा आयोजित गणेशमान सिंह राष्ट्रिय वन पुरस्कार वितरण कार्यक्रममा मोरङका सो संस्था र वनधनीले सो पुरस्कार प्राप्त गरेको डिभिजन वन कार्यालय मोरङका सूचना अधिकारी रामलखन ठाकुरले जानकारी दिए ।
राष्ट्रिय सामुदायिक वन प्रथम पुरस्कारबाट पुरस्कृत हुने हरियाली सामुदायिक वन उमूहका अध्यक्ष काबुल मगरले आफूले नेतृत्व गरेको वनको क्षेत्रफल २४५.९४ हेक्टर जग्गाको वन विसं २०७१ पुस महीनामा हस्तान्तरण भएर लगातार वनको हेरचाह र प्रवद्र्धनमा लागिरहेको जानकारी दिँदै पुरस्कार पाएकामा निकै खुशी लागेको प्रतिक्रिया दिए । मोरङमा हाल हस्तान्तरित १३५ सामुदायिक वन छ ।

सर्बाधिक पढिएको

मोबाइलमा गेम खेल्दा करेन्ट लागेर १५ वर्षीय बालकको मृत्यु

मोबाइलमा गेम खेल्दा करेन्ट लागेर १५ वर्षीय बालकको मृत्यु ३ हप्ता पहिले | संसार न्यूज़

१६ साउन, मोरङ । मोरङको लेटाङ नगरपालिका–३ स्थित त्रिशूली चोकमा…

बाढीपीडितले राहत पाउने

बाढीपीडितले राहत पाउने ४ हप्ता पहिले | संसार न्यूज़

९ साउन, मोरङ । मोरङको लोहन्द्रा खोलाको बाढीले बगाएर बेपत्ता…

राजश्वमा उल्लेखनीय वृद्धि

राजश्वमा उल्लेखनीय वृद्धि ४ हप्ता पहिले | रासस

८ साउन, काठमाडौँ । आन्तरिक राजश्व कार्यालय विराटनगरले गएको आर्थिक…

दुई वडाबाट रु दुई करोड बढीको लिची बिक्री

दुई वडाबाट रु दुई करोड बढीको लिची बिक्री ४ हप्ता पहिले | केदार मगर

१३ साउन, खोटाङ । रासस रावाबेंसी गाउँपालिकाको दुईवटा वडाका किसानले…

मोरङसुनसरी सेवा समाजद्धारा आर्थिक सहयोग

मोरङसुनसरी सेवा समाजद्धारा आर्थिक सहयोग ४ हप्ता पहिले | संसार न्यूज़

७ साउन,इटहरी । मोरङको उत्तरी केराबारी गाउँपालिका वडा नं. ६…

विर्तामोडको व्यापारिक भवनमा आगलागी

विर्तामोडको व्यापारिक भवनमा आगलागी ४ हप्ता पहिले | रासस

१२ साउन भद्रपुर । झापाको प्रमुख व्यापारिक केन्द्र विर्तामोडस्थित हनुमान…