Sansar News

एकपटक अवस्य पढ्नुहोस्, क्यान्सर लाग्नबाट बचाउँछन् यी खानेकुरा

संसार न्यूज़
४ हप्ता पहिले
एकपटक अवस्य पढ्नुहोस्, क्यान्सर लाग्नबाट बचाउँछन् यी खानेकुरा

विश्वभरी नै जटिल रोग बन्दै गइरहेको छ क्यान्सर । विश्व स्वस्थ्य संगठनका अनुसार सन् २०१८ मा क्यान्सरबाट मृत्यु हुनेको संख्या मात्रै ९६ लाख रहेको छ ।

१८५ देशमा ३६ प्रकारका क्यान्सरको अनुसन्धानपछि विश्व स्वास्थ्य संगठनले जारी गरेको विज्ञप्तिमा क्यान्सरबाट पीडितको संख्या १ करोड ८१ लाख पुगेको छ भने मृत्यु हुनेको संख्या ९६ लाख रहेको छ । सो अनुसन्धानले ५ जना पुरुष मध्ये १ पुरुष र ६ जना महिला मध्ये १ महिलामा जीवनकालमा क्यान्सर हुने गरेको र ८ मध्येको १ पुरुष तथा ११ मध्येका १ महिलाको मृत्यु भएको जनाइएको छ ।

क्यान्सर वृद्धिको कारण जनसंख्या वृद्धि, उमेर तथा औद्योगिकरण लगायत पनि रहेको बताइएको छ । पूरा संसारको तथ्यांक हेर्दा ६० प्रतिशत जनसंख्या ओगटेको एसियामा ५० प्रतिशत हुने गरेको जनाइएको छ भने ९ प्रतिशत जनसंख्या रहेको युरोपमा प्रभाव मध्येको २३.४ प्रतिशत र क्यान्सरबाट मृत्यु मध्येको २०.३ प्रतिशत रहेको छ । १३.३ प्रतिशत जनसंख्या रहेको अमेरिकी महादेशमा २१ प्रतिशत प्रभाव र १४.४ प्रतिशत मृत्यु रहेको बताइएको छ ।
सन् २०१८ को यो अनुसन्धानले लंग, महिलाको स्तन र कलरेक्टम गरी तीन प्रकारका क्यान्सरलाई मुख्य ठानेको छ ।

विश्वभरी नै तिब्ररुपमा बढ्दै गएको क्यान्सरलाई दिनहुँको आहार विहारमा ध्यान दिएमा कम गर्न सकिने स्वास्थ्य विज्ञ सल्लाह दिन्छन् ।

आउनुहोस् हाम्रा यस्ता बानीले क्यान्सर लाग्न नदिन वा कम गराउन सकिन्छ कि ?
आजभोली बजारमा पाइने प्याकेटमा बन्द खाना, रेष्टुरेण्टमा खाइने स्वादिलो खाना खाने चलन बढ्दो छ । यस्ता खानाबाट कुनैपनि पोषक तत्व नपाइने र यसले फाइदा भन्दा बेफाइदा गर्ने स्वास्थ्य विज्ञ बताउँछन् । त्यसकारण पनि तपाई क्यान्सरबाट बच्नका लागि बढी भन्दा बढी प्राकृतिक खाद्यवस्तु खानु नै स्वास्थ्यका लागि फाइदाजनक हुन्छ । बजारमा धेरै प्रकारका फलफूल र सागसब्जी पाइन्छन् । यी फलफूल र तरकारीलाई सहि तरिकाबाट सफा गरेर दिनहुँको भान्सामा सामेल गर्दा तपाई धेरै प्रकारका क्यान्सर रोगबाट बच्न सक्नुहुन्छ । तर त्यो स्वस्थ्य र सफा हुनुपर्छ । तरकारी र फलफूलमा मिनरल्स र एन्टिअक्सिडेन्ट पाइन्छ । यसले रोगप्रतिरोधक क्षमता बढाउदछ । जस्तै हरियो सागसब्जी, काजू, तुलसी,बदाम, ओखर लगायतको सेवनले पनि क्यान्सरबाट बच्न सकिन्छ । यी खानेकुरामा बढी एन्टिअक्सिडेन्ट पाइन्छ ।

त्यस्तै तरकारीमा प्राकृतिक रुपमा विविध रंगका तरकारी खानु उपयुक्त मानिन्छ । अलग–अलग रंग भएका तरकारीमा अलग–अलग एन्टि अक्सिडेन्ट पाइन्छ । यसकारण पनि प्राकृतिक रुपमा पाइने विभिन्न कलरका तरकारी स्वाथ्यका लागि फाइदाजनक हुन्छ । त्यस्तै हाम्रो भान्समा दिनहुँ पाक्ने त्यस्ता तरकारी पनि छन् जसले क्यान्सरबाट बचाउँछन् ब्रोकाउली, बन्दागोबि, लसुन, टमाटर, गाजर, गेडागुडी लगायतका तरकारीले पनि क्यान्सरका जोखिम कमगर्ने बताइन्छ ।

त्यस्तै क्यान्सरलाई सहज रुपमा निम्त्याउनेमा मसालेदार खाना पनि मानिन्छ । हामीले बजारबाट किनेको रेडिमेड मसला पनि स्वास्थ्यका लागि हानिकारक मानिन्छ । त्यसकारण बजारबाट ल्याइएको मसला भन्दा पनि घरमै रहेको अदुवा, लसुन, टिमुर, ल्वाङ, सुकमेल, मरिच जिरा, धनिया, जाइफल, दालचिनी, राखेर घरमा तयार गरेको मसलाले एन्टिअक्सिडेन्टको काम पनि गर्ने र बाहिरको खराब मसला खानबाट पनि बच्न सकिन्छ । तर, धेरै मात्रामा यी मसला पनि खान नहुने स्वास्थ्यविज्ञको भनाई छ ।

त्यस्तै क्यान्सरको संक्रमणबाट बचाउनका लागि फलफूलमा कागती, सुन्तला, अंगुरलगायतका अमिला फल तथा एवोकाडो, किवी, स्याउ, नासपाती, पाइनापललगायतका फल पनि उपयुक्त हुन्छन् ।

सर्बाधिक पढिएको

यी हुन् ब्रत बस्दाका फाईदा र बेफाईदा

यी हुन् ब्रत बस्दाका फाईदा र बेफाईदा २ हप्ता पहिले | संसार न्यूज़

हिन्दु धर्म संस्कार अनुसार प्रत्येक बार (प्रत्येक दिन) आफ्नै महत्व…

आउनुहोस् जानौ तपाईले देखेको सपनाको फल विपनामा के हुन्छ त ?

आउनुहोस् जानौ तपाईले देखेको सपनाको फल विपनामा के हुन्छ त ? १ हप्ता पहिले | संसार न्यूज़

ज्योतिष टिका पौडेलका अनुसार राति निदाउँदा देखिने सपनाका फलहरु निम्न…

एकपटक अवस्य पढ्नुहोस्, क्यान्सर लाग्नबाट बचाउँछन् यी खानेकुरा

एकपटक अवस्य पढ्नुहोस्, क्यान्सर लाग्नबाट बचाउँछन् यी खानेकुरा ४ हप्ता पहिले | संसार न्यूज़

विश्वभरी नै जटिल रोग बन्दै गइरहेको छ क्यान्सर । विश्व…

पढ्नुहोस् यी १६ उपयोगी टिप्स, जसले जीवन अगाडि बढाउन सहयोग गर्छ

पढ्नुहोस् यी १६ उपयोगी टिप्स, जसले जीवन अगाडि बढाउन सहयोग गर्छ २ दिन पहिले | संसार न्यूज़

भनिन्छ मरिने आज होकी भोली, तर बाँच्नु कति हो कति…

डा. ओममुर्ति अनिल भन्छन्–यी ५ उपायबाट घटाउन सकिन्छ मधुमेह

डा. ओममुर्ति अनिल भन्छन्–यी ५ उपायबाट घटाउन सकिन्छ मधुमेह ३ हप्ता पहिले | संसार न्यूज़

वरिष्ठ मुटुरोग विशेषज्ञ डाक्टर ओममुर्ति अनिलले विभिन्न उपाय अपनाएर मधुमेहको…

दुबी भयो भनेर आत्तिनु भएको छ त्यसो भए यो पढ्नुहोस्

दुबी भयो भनेर आत्तिनु भएको छ त्यसो भए यो पढ्नुहोस् १ महिना पहिले | संसार न्यूज़

छालामा देखिएको सेतो दुबीले हैरान हुनुभएको छ, मनमा पिर परेको…