Sansar News- Nepal's Fast Khabar Online News Portal

मिस फिलिपिन्स युएसएमा नेपाली चेलीलाई दुई उपाधि

संसार न्यूज़
७ महिना पहिले
मिस फिलिपिन्स युएसएमा नेपाली चेलीलाई दुई उपाधि

२३ जुलाई ,अमेरिका । अमेरिकाको क्यालिफोर्नियामा सम्पन्न मिस फिलिपिन्स युएसए २०१९ मा नेपाली मूलकी मिराकल चन्दले दुईवटा उपाधि हासिल गरेकी छन् ।

उक्त सौन्दर्य प्रतियोगितामा चन्दले द्वितीय बिजेता ( सेकन्ड रनरअप ) को साथै उत्कृष्ट यूवा सुन्दरी पुरस्कार प्राप्त गर्न सफल भएकी छिन । उनलाई मिस योङ्ग फिलिपिन्स सेकन्ड रनर अप भनि उपाधि प्रदान गरिएको छ ।

गत जुलाई २१ का दिन आइतबार सम्पन्न भएको उक्त सौन्दर्य प्रतियोगितामा मिराकल चन्द सुरु देखि नै सशक्त प्रतियोगीको रुपमा रहेता पनि अन्तिम क्षणमा मतको आधारमा उनलाई सेकन्ड रनर अप (द्वितीय बिजेता_ को उपाधि हात लागेको छ ।

उनलाई जिताउन बिश्वभरका नेपाली समुदाय लागेका थिए भने यसको लागि उनका पिता कर्ण चन्दले अहोरात्र खटिई आफ्नी सुपुत्रीलाई बिजयी बनाउन कडा मेहनत गरेका थिए । र ,उनले नेपाली समुदायलाई सुरु देखि अन्त्य सम्म सामाजिक संजाल मार्फत बारम्बार प्रतियोगिताको सबै ताजा जानकारी दिने गरेका थिए ।

नतिजा आए पछि कर्ण चन्दले सामाजिक संजाल मार्फत सबै वर्गलाई साथ दिनु हुने सबैलाई धन्यवाद दिएका छन् ।

कर्ण चन्द कराते खेलाडीको साथै प्रशिक्षक पनि हुन् भने उनले फिलिपिन्स कि नागरिक बेलो थर भएकी महिला संग २००३ मा बिहे गरेका थिए । सन् २००३ मै मिराकल चन्द पलाउ आइल्याण्डमा जन्मेकी हुन् । उनकी आमा हेडी बि फिलिपिन्सबाट भएको हुनाले मिराकल चन्दले मिस फिलिपिन्स युएसएमा प्रतियोगीको रुपमा भाग लिन पाएकी हुन् ।

उनका अनुसार नतिजा निस्कने ५ मिनेट अगाडी पासा पल्टिएको र उनकी सुपुत्री मिराकल चन्द पछाडी परेको उनले जनाए । प्रारम्भ देखि नै अग्रपंक्तिमा रहेकी मिराकल चन्द प्रतियोगिताको नजदिक हुदै जाँदा पछाडी परिन । पिता कर्ण चन्दले कुनै पनि नेपाली समुदायलाई समेट्न छोडेनन् र सबैलाई मतदान गर्न आग्रह गरेका थिए ।

कार्यक्रम क्यालिफोर्नियाको ग्लेनडेल स्थित नर्थ ब्रान्ड बलुभर्डको एलेक्स थेटर (नाचघर) मा साँझ ५ बजे सुरु भएको थियो । मिराकल चन्द प्रतियोगी नं ६ रहेकी थिइन् ।


चन्द युएस मार्सल आर्ट्स कराते फेडेरेसनका निर्णायक पनि हुन् । १२ बर्ष देखि अमेरिका बस्दै आएका चन्द माक्रोन एसियामा काम गर्थे भने उनले पलाउ मै एक बिदेशी नागरिक संग मिलेर मार्सल आर्ट्स बिद्यालय समेत खोलेका थिए ।

मिराकल चन्द को बुवा कर्ण चन्द र हेडी बि बीच माक्रोन एसिया आइल्याण्डमा भेट भएको थियो भने कर्ण चन्द देहरादुन अध्ययन गरेका हुन् । हाल चन्द निजि सुरक्षा परामरर्शदाता हुन् भने व्यक्तिगत सुरक्षाका लागि प्रशिक्षक पनि हुन् । पलाउ प्रशान्त महासागरमा अवस्थित एक द्विप हो ।

जसमा ३४० टापूहरु छन भने यो अमेरिकाको भूमि पनि पर्दछ र अमेरिकन डलर नै राष्ट्रिय मुद्रा हो । फिलिपिन्सको दक्षिण पूर्व तथा पपुवा न्यू गिनीको उत्तरमा पलाउ पर्दछ । कर्ण चन्द १२ बर्ष पहिले अमेरिका आए पछि उनले परिवारलाई अमेरिका ल्याएका हुन् ।

सर्बाधिक पढिएको

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य २ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? ६ दिन पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? २ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…

बहालवाला तथा भु.पु सैनिकका लागि स्वास्थ्य सेवा सम्बन्धी सूचना

बहालवाला तथा भु.पु सैनिकका लागि स्वास्थ्य सेवा सम्बन्धी सूचना ३ हप्ता पहिले | संसार न्यूज़

२० माघ, काठमाडौं । नेपाली सेनाले बहालवाला तथा भुपु सैनिक…