Sansar News- Nepal's Fast Khabar Online News Portal

टि–२० आइसीसी विश्वकप क्रिकेट : आयोजकका कारण नेपालीलाई थप पीडा

संसार न्यूज़
७ महिना पहिले
टि–२० आइसीसी विश्वकप क्रिकेट : आयोजकका कारण नेपालीलाई थप पीडा

१२ साउन । आयोजकका कारण आजको हारले पीडित बनेका नेपालीलाई थप पीडा भएको छ । टि–२० आइसीसी विश्वकप क्रिकेटमा सिंगापुरद्धारा ८२ रनले पराजित भएको नेपालाईै आएसीसीले नेपाललाई दोस्रो स्थान प्राप्त गरेको भनेर मेडल प्रदान गर्यो । तर पछि चेक गर्दा नेपाल रन रेटको आधारमा तेस्रो भएको देखिएपछि नेपाली खेलाडीले लगाएको मेडल कतारका खेलाडीलाई लगाइयो ।
यस्तो कसरी भयो ?
अन्तिम खेलमा नेपाल र सिंगापुरबीच विजयी हुने टोली विश्वकपको ग्लोबल छनोटमा पुग्ने समीकरण रहेको थियो । अघोषित रुपमा फाइनलजस्तो बनेको यस खेलमा कतारभन्दा बलियो रहेको नेपाललाई दोस्रो मानियो । आयोजक सिंगापुर क्रिकेट संघले पनि नेपाल नै दोस्रो भएको ठान्दै नेपाली टोलीका कप्तान पारस खड्कालाई मेडल लगाइदिएका थिए । तर आजको नेपाल ८१ रनले पराजित भएपछि रनरेटका आधारमा कतारभन्दा पछाडी रहन पुगेको थियो ।

नेपाललाई उपविजेता घोषणा गर्दै दोस्रो स्थान प्रदान गरेपछि कतारका व्यवस्थापकले विरोध गरेका थिए । रनरेटको आधारमा नेपाल कतारभन्दा पछि रहेको थाहा पाएपछि नेपाली टोली आफैंले पदक फिर्ता गरेको नेपाली टोलीका व्यवस्थापक रमण शिवाकोटीले जानकारी दिएका छन् ।

नेपालले विश्वकप खेल्ने उत्कृट उत्साह बोकेका क्रिकेटप्रेमीहरुका लागि आजको हारले दुखी बनाएको छ । सिंगापुरले दिएको १९२ रनको विशाल लक्ष्य पछ्याउदा कमजोर ब्याटिंग गर्दै १५ ओभरमा १०९ रनमै सम्पूर्ण विकेट गुमाएपछि नेपालको सपना चकनाचुर हुन पुगेको हो। पहिलो खेलमै कमजोर टिम कतारसँग हार्नु दुर्भाग्य बनेको नेपालका लागि आजको खेलमा नेपालले १० वटै विकेट गुमाउन पुग्यो । अन्तर्राष्ट्रिय टिममा राम्रो प्रदर्शन गर्दै आएका उत्कृष्ट बलर सन्दिप लामिछाने तथा सोमपाल कामीको आजको प्रदर्शन अपेक्षित राम्रो रहेन ।

सन् २०१४ मा हंगकंगमा सम्पन्न टि-२० विश्वकप पहिलो पटक खेलेको नेपाली टिमले त्यसपछि २०१६ टि-२० विश्वकपमा पनि छनौट हुन असफल रहेको थियो। लगातार दोश्रो पटक नेपाली टिम टि-२० विश्वकप छनौट हुन असफल रहेको छ।

अबको टि–२० विश्वकप क्रिकेट प्रतियोगिता सन् २०२१ मा भारतमा हुँदैछ । आशा गरौँ त्यो प्रतियोगिताबाट नेपालको टि-२० विश्वकप क्रिकेट प्रतियोगिता खेल्ने चाहना पुरा हुनेछ ।

सर्बाधिक पढिएको

१२ सम्मका पाठ्यक्रम परिवर्तन हुँदै -अनिवार्य विषयबाट गणित हट्यो, गणित हटाइएकोमा विज्ञहरुद्वारा आपत्ति

१२ सम्मका पाठ्यक्रम परिवर्तन हुँदै -अनिवार्य विषयबाट गणित हट्यो, गणित हटाइएकोमा विज्ञहरुद्वारा आपत्ति ४ हप्ता पहिले | संसार न्यूज़

६ माघ, काठमाडौँ । आगामी शैक्षिक सत्रदेखि विद्यालय तहका सम्पूर्ण…

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य २ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? ३ दिन पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? २ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…