१३ साउन, काठमाडौँ । सत्तासाझेदार दल समाजवादी पार्टी नेपालले तत्काल सरकार नछाड्ने भएको छ ।
सरकारमै बस्ने कि अलगिने भन्ने विषयमा सो पार्टीभित्र चर्काे विवाद रहँदै आएको थियो । आइतबारको पार्टी बैठकले सरकारलाई रणनीतिक रुपमा लिएर आफ्ना माग सम्बोधन गराउनुपर्ने सुझाव दिएको छ ।
सरकारलाई आफ्ना माग सम्बोधन गर्न दवाव दिने र सम्बोधन नभए सरकार छोड्नुपर्ने रणनीतिअनुसार अगाडि बढ्नुपर्ने सुझाव आएको एक नेताले बताए ।
बैठकलाई सम्बोधन गर्दै अध्यक्ष यादवले सरकारको आलोचना गर्दे आएपनि बैठकमा सरकार अहिले नै छोड्नुपर्ने आवश्यकता नभएको बताए । तर सार्वजनिक कार्यक्रममा भने उनले सरकारको विरोध गर्दै आएका छन् ।
उपप्रधानमन्त्री तथा स्वास्थ्यमन्त्री रहेका अध्यक्ष यादवले सरकारको आलोचना गर्दै आए पनि बैठकमा सरकार अहिले नै छोड्नुपर्ने आवश्यकता नभएको बताए । सरकारलाई रणनीतिक रुपमा पार्टीले सदुप्रयोग गर्नुपर्ने उनले बैठकमा बताए । सोमबारको राजधानी दैनिकबाट
वि.सं.२०७६ साउन १३ सोमवार ०८:२९ मा प्रकाशित