Sansar News- Nepal's Fast Khabar Online News Portal

डा. ओममुर्ति अनिल भन्छन्–यी ५ उपायबाट घटाउन सकिन्छ मधुमेह

संसार न्यूज़
४ महिना पहिले

वरिष्ठ मुटुरोग विशेषज्ञ डाक्टर ओममुर्ति अनिलले विभिन्न उपाय अपनाएर मधुमेहको जोखिमबाट बच्न सकिने बताएका छन् ।

उनले मधुमेहको जोखिमबाट बच्नका लागि ५ उपाय सुझाएका छन् । यदि तपाईपनि मधुमेहको जोखिममा हुनुहुन्छ भने आउनुहोस् जानौं कसरी बच्न सकिन्छ त यसका जोखिमबाट ?

तौल नियन्त्रण–जसको तौल बढी छ, उसलाई मधुमेह लाग्ने खतरा बढी हुन्छ । कहिलेकाँही मोटो मान्छेको पनि सुगर जाँचगर्दा नर्मल भएको पाइएको र अधिकांश मानिसहरु मलाई सुगर छैन भनेर दंग पर्छन् । तर, भविष्यमा उसलाई कुनै न कुनैबेला मधुमेह रोग लाग्ने हुनाले तौल नियन्त्रण गर्न जरुरी छ । मोटोपना भएको व्यक्तिलाई मधुमेहको उच्च जोखिम रहेको कुरा साइन्सले पनि प्रुफ गरेको छ ।

अधिकांश व्यक्तिहरु जव ३० वर्ष पूरा गर्छन्, त्यसपछि वजन बढ्दै जान्छ । त्यसैगरी महिलाहरुमा पनि पहिलो बच्चा जन्मिएपछि तौल बढ्दै जान्छ । यसरी बढेको तौललाई कम गर्न सकेनौ भने मधुमेहको जोखिम बढ्दै जान्छ । साथै एक महिनामै ४–५ किलो तौल बढ्नुपनि मधुमेहको जोखिम बढिरहेको भनेर बुभ्mनुपर्ने हुन्छ । त्यस्तै यदि बोर्डर लाइनमा सुगर छ भने, तौल नियन्त्रण गरेर मधुमेहबाट बच्न सकिन्छ ।

शारिरीक गतिबिधि बढाउन जरुरी-त्यस्तै दोश्रो महत्वपूर्ण कुरामा शारिरीक गतिबिधिमा ध्यान दिनु जरुरी हुन्छ । शारिरीक रुपमा निस्क्रिय हुने व्यक्तिलाई मधुमेह लाग्ने सम्भावना बढी हुन्छ । मोटोपना नभए पनि यदि तपाई निस्क्रिय हुनुहुन्छ र दैनिक शारीरिक गतिबिधिमा ध्यान दिनु भएको छैन भने तपाईलाई मधुमेह लाग्ने सम्भावना बढी हुन्छ ।

एउटा स्वस्थ्य व्यक्तिले दिनमा कम्तिमा ३० मिनेट अर्थात् छिटो छिटो प्रतिदिन ३ किलो मिटर हिँडेकै हुनुपर्छ । धेरै मानिसहरु घरमै बसेर शारीरिक गतिबिधि गर्ने तथा मर्निङ वा इभिनिङ वाल्क नगरेको पाइन्छ । यसमा विशेष गरेर गृहिणीहरु पर्छन् । त्यस्त व्यक्तिहरुलाई पनि सुगरको जोखिम हुन्छ । त्यसैले दैनिक आधा घण्टा वा एक घण्टा हिड्नु जरुरी हुन्छ ।

स्वस्थ्य आहारको सेवन–हाम्रो समाजमा भात धेरै खाने चलन छ । भातमा काब्रोहाड्रेड बढी हुने भएकोले यसले मधुमेह मात्र नभएर भविष्यमा अन्य रोग पनि निम्त्याउँछ । त्यस्तै मिठाईलगायत अन्य क्यालोरी भएको खानेकुराले भविष्यमा मुटु र रक्तनली सम्बन्धी रोगहरुको जोखिममा पार्छ । त्यस्तै फास्टफुड, चिल्लो खानेकुरा, तारेको खानेकुरा, एनिमल प्रोडक्टमा पनि फ्याट बढी हुने र त्यस्ता खानेकुराहरु पनि नियन्त्रण गर्न जरुरी हुन्छ । त्यस्तै फलफूल र सागसब्जीको बढी प्रयोगले मधुमेहको सम्भावनालाई घटाउछ ।

मदिरापान–त्यस्तै अत्यधिक मदिरा सेवनले पनि मधुमेहको जोखिममा पार्छ । मदिरामा क्यालोरी बढी हुनाले यदि कोही व्यक्ति नियमित मदिरापान गर्छ भने, त्यसले मोटोपना बढ्ने र मधुमेहको जोखिम बढ्ने हुन्छ ।

मधुमेहको नियमित जाँच गराउनुहोस्–मधुमेहको नियमित जाँच गराउनु सुगरको जोखिमबाट बच्न सकिन्छ । सुगर जाँच गराउँदा फास्टिङमा (खाना भन्दा पहिले) को सुगर जाँचमा सुगरेको लेवल सय भन्दा मुनि हुनुपर्छ भने १२५ लाई बोर्डरलाईन भनिन्छ भने १२६ देखि मधुमेहको सुरुवात भएको मानिन्छ । कहिलेकाँही फास्टिङ टेस्ट रिलायवल नहुने र सुगरको मात्रा कम वा बढी देखाउने गर्छ । यस्तो अवस्थामा एचविएवानसी को जाँच गरेर मधुमेहको कति जोखिममा हुनुहुन्छ भनेर पत्ता लगाउन सकिन्छ । यो जाँच गराउनु जरुरी हुने र यसको सुरुवात आजैबाट गर्नपनि सकिन्छ ।

त्यस्तै अर्कोकुरा कोही मानिसहरु बाथ, प्रेसर लगायतका रोगको औषधिहरु खाइरहेका हुन्छन् । त्यो औषधिको प्रयोग गर्दा पनि सुगर बढ्ने सम्भावना देखिन्छ । त्यसकारण नियमित सुगरको जाँच गरिरहेका छौं भने, हामीलाई थाहा हुन्छ कि हाम्रो जीवनशैलीमा कति परिवर्तन गर्न जरुरी छ भनेर । अन्तराष्ट्रिय मापदण्ड अनुसार २० वर्षपछि हरेक मानिसले मधुमेहको परीक्षण समय समयमा गराउनु पर्दछ ।

सर्बाधिक पढिएको

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल

गरीबलाई धनी बनाउने माध्यमका रुपमा सहकारी विकास गर्दै – मन्त्री अर्याल २ हप्ता पहिले | संसार न्यूज़

१० मङ्सिर, स्याङ्जा । भूमि, व्यवस्था सहकारी तथा गरीबी निवारणमन्त्री…

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ४ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ४ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ५ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

National automotive engineering conference on May 10 and 11

National automotive engineering conference on May 10 and 11 ७ महिना पहिले | संसार न्यूज़

6 May, Banepa - The Kathmandu University and the Institute…