Sansar News

विप्लव समूहका जिल्ला नेता पक्राउ

संसार न्यूज़
२ हप्ता पहिले
विप्लव समूहका जिल्ला नेता पक्राउ

२२ साउन, परासी । सङ्गठित अपराध मुद्दामा फरार रहेका नेत्रविक्रम चन्द (विप्लव) समूहका एक जिल्ला नेता पक्राउ परेका छन् ।

पक्राउ पर्नेमा विप्लव समूहका नवलपरासी जिल्ला सदस्य तथा सरावल गाउँपालिका इन्चार्ज लोकमान भन्ने चैत्रराम मुसहर रहेका छन् । प्रहरीले उनलाई हिजो सार्वजनिक गरेको हो ।

इलाका प्रहरी कार्यालय बर्दघाट र इलाका प्रहरी कार्यालय सेमरीको संयुक्त टोलीले मुसहरलाई उनकै घर बर्दघाट–१२ सपैयाबाट पक्राउ गरेको हो । उनी आगो लगाई सङ्गठित अपराध मुद्दामा फरार अभियुक्त रहेको प्रहरीले जनाएको छ ।

गत २०७५ फागुन ३० गते विप्लव समूहले आह्वान गरेको बन्दको पूर्वसन्ध्यामा सरावल–१ बासामा रोकिराखेको ना५ख ७७४१ र ना४ख ६८२५ नंको ट्रकमा आगो लगाएको घटनामा उनी संलग्न रही फरार रहेका थिए ।

यसैगरी यही साउन १६ गते बर्दघाट–१३ स्थित एनसेल टावर क्षति पु¥याउने घटनामा पनि उनको संलग्नता देखिएको जिल्ला प्रहरी कार्यालय पश्चिम नवलपरासीले जनाएको छ । पक्राउ परेका मुसहरविरुद्ध आवश्यक अनुसन्धान अगाडि बढाइएको प्रहरीले जानकारी दिएको छ ।

दुर्घटनामा एकको मृत्यु

पश्चिम नवलपरासीको सुनवलमा भएको तीव्रगतिको मोटरसाइकल दुर्घटनामा एकको मृत्यु भएको छ । सुनवल–१२ हरकट्टाबाट परासी आउने क्रममा सुनवल र रामग्राम नगरपालिकाको सीमामा रहेको पुलमा मोटरसाइकल दुर्घटनामा परेको हो ।

दुर्घटनामा परी रामग्राम–१० का ३३ वर्षीय अमरदीप चौधरीको घटनास्थलमै मृत्यु भएको छ । लु४०प ३५९८ नंको मोटरसाइकल तीव्रगतिका कारण पुलमा अनियन्त्रित भई पल्टिएको इलाका प्रहरी कार्यालय सुनवलका प्रहरी निरीक्षक बलराम गिरीले जानकारी दिए । रासस

सर्बाधिक पढिएको

पैसामा किनिएको सांसद पदले नेकपामा पहिरो,जेल जादै फौजिया

पैसामा किनिएको सांसद पदले नेकपामा पहिरो,जेल जादै फौजिया १ महिना पहिले | संसार न्यूज़

२५, असार काठमाडौँ । फौजिया नसिम, यो नाम अहिले ५…

फ्लोअप फौजिया : अल्डरवल्ड कनेक्सनले सबै थर्कमान

फ्लोअप फौजिया : अल्डरवल्ड कनेक्सनले सबै थर्कमान ४ हप्ता पहिले | संसार न्यूज़

८ साउन, काठमाडौँ । सांसद एक स्वरुप अनेक, यस्तै देखिन्छ…

इस्मा गाउँपालिकामा अख्तियारको छापा

इस्मा गाउँपालिकामा अख्तियारको छापा २ हप्ता पहिले | संसार न्यूज़

२१ साउन, गुल्मी । इस्मा गाउँपालिकामा अख्तियार दुरुपायोग अनुसन्धान आयोगले…

लुम्बिनी होटल संघ नेपालको प्रथम साधारणसभा सम्पन्न

लुम्बिनी होटल संघ नेपालको प्रथम साधारणसभा सम्पन्न ७ दिन पहिले | डिला रेग्मी

२६ साउन, लुम्बिनी । लुम्बिनी होटल संघ नेपालको प्रथम साधारणसभा…

नसर्ने रोगका बिरामी वर्षेनी बढ्दै

नसर्ने रोगका बिरामी वर्षेनी बढ्दै ३ हप्ता पहिले | संसार न्यूज़

१२ साउन, काठमाडौँ । पाल्पामा नसर्ने रोगका बिरामीको सङ्ख्या दिन…

दुई सातादेखि सडक अवरुद्ध

दुई सातादेखि सडक अवरुद्ध ३ हप्ता पहिले | रासस

९ साउन, बेझाड । वर्षाका कारण पाल्पाको रम्भा गाउँपालिका–२ फोक्सिङकोटमा…