Sansar News- Nepal's Fast Khabar Online News Portal

रुपन्देहीका दलित समुदायलाई पाँच घर हस्तान्तरण

संसार न्यूज़
२ महिना पहिले


२२ साउन रुपनदेही । रुपन्देहीको कञ्चन गाउँपालिका–२ स्थित रातामाटामा निर्माण भएका पाँच घर आज स्थानीयवासीलाई हस्तान्तरण गरिएको छ ।

राष्ट्रियसभाका सदस्य खिमलाल भट्टराईले दलित समुदायका पाँच जनालाई शौचालयसहितको जस्तापाता लगाएको दुईकोठे भवनको ताला तथा चाबी हस्तान्तरण गरे ।

सङ्घीय सरकार तराई मधेश समृद्धि कार्यक्रम र कञ्चन गाउँपालिकाको संयुक्त लगानीमा मुुसहर तथा दलित बस्तीका लागि घर निर्माण भएको थियो । एक घरका लागि रु दुई लाख २० हजार लगानी रहेको बताइएको छ ।

सङ्घीय सरकारको रु एक करोड र कञ्चन गाउँपालिकाको रु १० लाख लगानीमा सो गाउँपालिकाका सबै वडामा ५० घर निर्माण भएको छ । गाउँपालिका–२ मा मात्रै २५ घर छ भने प्रत्येक वडामा पाँच–पाँच घर निर्माण भएको छ । निर्माण भएका २५ घर मुसहर र २५ घर दलित बस्तीका लागि निर्माण गरिएको गाउँपालिकाले जनाएको छ । सरकारी जग्गामा निर्माण भएको आवासमा बस्ने व्यक्तिको स्वामित्व रहेको छैन ।

सो अवसरमा प्रदेश नं ५ का प्रदेशसभा सदस्य भूमिश्वर ढकालले दलित र गरीब समुदायलाई प्राथमिकतामा राखेर सरकारले काम गरिरहेको बताए ।

राष्ट्रियसभाका सदस्य भट्टराईले कानून बनाएर सुकुम्वासीलाई लालपुर्जा वितरण गरिने उल्लेख गर्दै अवसर नभएकालाई आवास बनाइदिने सरकारको योजना रहेको बताए। उनले भने, “अब कसैले पनि भोकै मर्नुपर्दैन, उपचार नपाएर मर्नुपर्दैन ।”

गाउँपालिका कार्यालयको शिलान्यास

रुपन्देहीको कञ्चन गाउँपालिका कार्यालयको नवनिर्मित भवनको आज गजेडीमा शिलान्यास भएको छ । गाउँपालिका–२ मा निर्माण हुन लागेको भवनको राष्ट्रियसभाका सदस्य भट्टराईले शिलान्यास गरे । रु पाँच करोड तीन लाख लागतमा निर्माण हुन लागेको भवन चारतलाको हुने बताइएको छ । स्थानीय मुकेश श्रेष्ठले दिएको एक बिघा जग्गामा सो भवन निर्माण हुन लागेको हो । भवनमा हलसहित ४४ कोठा रहने इञ्जिनीयर स्मित थापाले जानकारी दिए। (रासस)

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ २ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा २ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ३ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ २ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…