Sansar News- Nepal's Fast Khabar Online News Portal

सामुदायिक वनमा पार्क निर्माण

संसार न्यूज़
११ महिना पहिले


२३ साउन, स्याङ्जा । घ्वाङखोला सामुदायिक वनमा उड्डयन पार्क निर्माण गरिएको छ ।

वालिङ नगरपालिका–८ र १० मा पर्ने घ्वाङखोला सामुदायिक वनमा डिभिजन वन कार्यालय स्याङ्जाको सहयोगमा पार्क निर्माण गरिएको हो । पार्क निर्माण भएसँगै वालिङ बजारवासीका लागि बजारको कोलाहलबाट शान्त ठाउँमा गएर केही समय आराम गर्ने र घुमघाम गरेर केही समय बिताउने स्थलका रुपमा सो वन विकास हुँदै गएको छ ।

डिभिजन वन कार्यालय स्याङ्जाका प्रमुख कोमलराज काफ्लेले वातावरणको संरक्षणका साथै सामुदायिक वनलाई दिगो आम्दानीको स्रोतका रुपमा विकास गर्ने उद्देश्यले मिनी जू निर्माण गर्ने योजनामा कार्यालय रहेको बताए।

वालिङ नगरपालिका–१० का वडाध्यक्ष अनन्तराज गैह्रेले सामुदायिक वनलाई पर्यटकीयस्थलका रुपमा विकास गर्ने उद्देश्यले यहाँ विभिन्न प्रकारका संरचनाहरु निर्माण गरिएको बताए । नगरपालिकाभित्र बजार क्षेत्रको नजीकै घुमेर केही समय बिताउने ठाउँ नभएकाले बजारदेखि नजीकै रहेको सामुदायिक वनलाई पार्कसँगै पर्यटकीयस्थलका रुपमा विकास गर्न लागेको जानकारी दिए ।

सब डिभिजन वन कार्यालय वालिङका सहायक वन अधिकृत हेमलाल न्यौपानेले १३० हेक्टर जमीनमा फैलिएको घ्वाङखोला सामुदायिक वनमा शहरी वन प्रवद्र्धन तथा उड्डयन पार्क निर्माण गर्नका लागि कार्यालयले रु १५ लाख उपलब्ध गराएको जानकारी दिए। सो सामुदायिक वनमा निर्माण गरिएको पार्कमा भगवानका मूर्ति, बालबालिकाका लागि झुला, पुल, पोखरी, वनभोजस्थल लगायतका विभिन्न मनोरञ्जन साधनहरुसमेत निर्माण गरएको छ ।

पार्क निर्माण भएसँगै विभिन्न समयमा घुम्न जानेका साथै साथीसँगी मिलेर वनभोज खान जानेको समेत सो स्थानमा भीड लाग्ने गरेको छ । गर्मी बढेसँगै गर्मी छल्न र मनोरञ्जन लिन जानेको सङ्ख्यासमेत दिन प्रतिदिन बढ्दै गएको छ । (रासस)

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो ५ दिन पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ३ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…