Sansar News

कविता : धिक्कार समाज

कुशल राई
२ हप्ता पहिले
कविता : धिक्कार समाज

घरको भान्सा कोठामा राखिएको
खुकुरी देखि
पूजा कोठामा पूजिएको
त्रिशुल र तामाको दियो चाहि दामी हरे
त्यहि बनाउने चाहि अछुत
कामी हरे !
धिक्कार समाज ।

शिर देखि पाउ सम्म धपक्क
सुन चांदीले सजिनु चाहि शान हरे
त्यहि सुन बनाउने
सुनारको छोरी बिहे गर्न चाहि
अपमान हरे !
धिक्कार समाज ।

दौरा सूरवाल,चौबन्दी चोली चाहि
हाम्रो जातिय पहिरन हरे !
त्यहि दौरा सूरवाल
चौबन्दी चोली सिउने
दमाई चाहि अछुत हरे
धिक्कार समाज ।

चट्ट परेको जुत्ता लाएर
अफिस जाने चाहि ज्ञानी हरे
त्यहि जुत्ता बनाउने सार्की चाहि
समाजमा नचल्ने पानी हरे
धिक्कार समाज ।

पशुलाई देउता मानेर
विज्ञानलाई राक्षस सोच्ने समाज
एक्काईसौ शताब्दीमा पनि
छुवाछुत र जात जातको
पर्खाल बोक्ने समाज
धिक्कार समाज
धिक्कार समाज
धिक्कार समाज ।

ठेगाना-टिस्टा भेल्ली चियाबारी दार्जीलिङ्ग

सर्बाधिक पढिएको

म शालिकराम नै हो !

म शालिकराम नै हो ! २ दिन पहिले | बलराम तिमिल्सिना

म शालिकराम पुडासैनी पत्याउँनु भएन ? हो क्या हो म…

कविता : छौँडाहरू

कविता : छौँडाहरू १ महिना पहिले | सञ्जीव पौडेल

समृद्धिको चकमन्न उज्यालो बाँडिरहेको सरकारलाई गौँडा गौँडा कुरेर सेतो अवरोध…

कविता : विवशता

कविता : विवशता ४ हप्ता पहिले | सुमित्रा थामी ‘अविरल’

बुद्धको देशमा शान्ति खोज्दै हिडेको यात्री श्मशान घाटमा तपस्य बसेको…

कविता-भोकाएका ए समृद्धिहरू !

कविता-भोकाएका ए समृद्धिहरू ! १ महिना पहिले | राजबाबु श्रेष्ठ ’सागर’

काग कराउन त कराए का का गरेर तर गिद्धै बसेको…

अन्तिम श्रद्धाञ्जली

अन्तिम श्रद्धाञ्जली ४ हप्ता पहिले | उमेशकुमार सिटौला, तेह्रथुम

ॐ ॐ ॐ ॐ ॐ । न चोट पायौ न…

कविता : मेरा गुरु

कविता : मेरा गुरु ३ हप्ता पहिले | टि एन बिस्वामित्र

मेरा गुरु उनले सिद्धान्त पढाए, दर्शन शास्त्रको ठेली बोकेर मानवताको…