Sansar News- Nepal's Fast Khabar Online News Portal

कविता : शहरको सभाकक्ष

राजन प्र. न्यौपाने (श्रीयम)
२ महिना पहिले
कविता : शहरको सभाकक्ष

शहरको एउटा चोक,
एउटा कक्षमा
कविहरु जम्मा भएछन्
कविता सुन्न र सुनाउन
त्यहि चोकको
अर्को कक्षमा
नेता भन्नेहरु जम्मा भएछन्
भाषण छाँटेर, जनता सुताउन
देश बेचेर, सिंहदरबार बचाउन
अचम्म लाग्न थालेको छ,
कस्ता–कस्ता भैँसीहरु छन् यहाँ
आजभोलि त मात्र पालिन्छन् मःम बनाउन
मेरो देशमा, जनताले नेता पाले जस्तै ।

भन्दै थिए कविहरु, आफ्ना सिर्जनामा
दोधारे, दोमुखे र पाखण्डीहरुको
जगजगी फैलिएको छ यहाँ
ज्युँउदै मलामी बनेकाहरु,
पिछा लागेका छन् त्यहि पाखण्डीको यहाँ ।
सत्यको सेतो ढोकामा
दाग लागेको छ त्यहाँ
डराएर झुम्मिन्छन् उज्यालोमा पुतली,
रातको अध्यारोमा
जसरी स्वार्थले झुम्मिएका छन् कलुषित मानिस यहाँ ।

त्यसैले त, ऊ वरिष्ठ कवि भएको छ यहाँ
देश बेचेर, सिंहदरबार जोगाउने
सम्माननिय नेता भएको छ यहाँ
विडम्बना !
अरुको पुच्छरमा आगो सल्काएर
न्यानो तापिन्छ यहाँ ।
इज्जत भएकाहरुलाई पो,
इज्जत जाने डर हुन्छ
इमान बेचेर सडेकाहरुलाई,
देश बेच्न पनि के–को डर यहाँ ?
सबै आफ्ना ठेक्का,
भनेर बसेका लठ्ठकहरुलाई
आफ्नो धोती खुस्केको के थाहा यहाँ !
यसैगरी,
कविहरु चिच्चाई रहेकाथिए, विकृतिको बारेमा
नेताहरुको भेला सक्किदै थियो
पानीको मुहान बेचेर,
पानी कम्पनी प्रवद्र्धन गर्ने सम्झौता गरेर
आ–आफ्ना सम्मेलन सकिदै थिए
कसैले याद गरेनछ,
साहित्यकारहरु अराजक बन्दै गए
होसियार!!! भनी लेखिएको व्यानर थियो
त्यहि चोकमा ।

[email protected]

Mobile no.-9851059950

Ghattekulo-29,Kathmandu

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ २ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा २ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ३ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ २ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…