Sansar News

टिकट लिन अस्प्तालमा घण्टौँ लाइन बस्नु पर्ने बाध्यताको अन्त, मोबाइल एपबाटै टिकट लिन सकिने

संसार न्यूज़
१ हप्ता पहिले
टिकट लिन अस्प्तालमा घण्टौँ लाइन बस्नु पर्ने बाध्यताको अन्त, मोबाइल एपबाटै टिकट लिन सकिने

२४ साउन,काठमाडौँ । स्वास्थ्य परीक्षण गर्नका लागि टिकट लिन अब निजामती कर्मचारी अस्पताल ‘सिभिल सर्भिस हस्पिटल’ मा पुग्नुपर्ने अवस्थाको अन्त्य भएको छ । सो अस्पतालले आजबाट बिरामी परीक्षणका लागि मोबाइल एपबाटै टिकट बुकिङ गर्ने व्यवस्था मिलाएपछि टिकट काट्न लाइमा बस्नुपर्ने बाध्यता हटेको छ ।

अब बिरामी वा आफन्तले घरमा बसेर नै अस्पतालको ओपिडी टिकट काट्न सक्नेछन् । ‘प्रभु पे’ मोबाइल वालेटमार्फत अस्पतालको ओपिडी टिकट काट्ने व्यवस्थाको शुरुआत गरिएको सिभिल अस्पतालले विज्ञप्तिमार्फत जनाएको छ । ‘मेडीफ्लो सोलुसन’ ले प्रभु पे मोबाइल एपमार्फत घरमा नै बसेर टिकट काट्न सक्ने प्रविधिको विकास गरेको हो । उक्त प्रविधिबाट टिकट काट्ने व्यवस्था शुरु गर्ने सिभिल अस्पताल पहिला भएको छ ।

अस्पतालले बिरामीको सहजताका लागि प्रविधिको प्रयोग गर्दै प्रभु पे मोबाइल वालेटमार्फत टिकट काट्ने व्यवस्था शुरु गरेको अस्पतालका कार्यकारी निर्देशक प्रा डा दीर्घराज आरसीले जानकारी दिए । अस्पतालमा ओपिडीको टिकट लिनका लागि निकै लामो लाइन बस्नुपर्ने बाध्यताको अन्त्य भएको र बिरामीका आफन्तले घरमै बसेर सहजै रुपमा टिकट काटेर सेवा लिन सक्ने न्यौपानेको भनाइ छ ।

प्रभु पे मोबाइल वालेटसँगको सहकार्यमा शुरु गरिएको यो सेवालाई अन्य अस्पतालमा विस्तार गर्दै लैजाने मेडिफ्लोका प्रमुख कार्यकारी अधिकृत सुरेन्द्र न्यौपानेले जानकारी दिए । हाल दैनिक ८०० बिरामी ओपिडी सेवामा आउने गरेको अस्पतालले जनाएको छ ।

अहिले यो सेवामार्फत टिकट काट्नका लागि मोबाइल प्रयोगकर्ताले प्रभु पे मोबाइल वालेट नामक एपलाई डाउनलोड गर्नुपर्छ । प्रभु पे मोबाइल वालेटबाट यो सेवा लिने ग्राहकको लागि विशेष सहुलियतको व्यवस्था गरिने प्रभु टेक्नोलोजीका महाप्रवन्धक खुशल रेग्मीले जानकारी दिए ।

प्रभु पे वालेटमा रजिष्टर भएपछि आफ्नो विभिन्न बैंकबाट रकम जम्मा गर्न सकिनेछ । त्यसपछि उक्त एपमा रहेको हस्पिटल भन्ने बटनमा क्लिक गर्नुपर्ने हुन्छ । हस्पिटल बटनभित्र प्रवेश गरेपछि निजामती अस्पतालमा क्लिक गर्नुपर्ने हुन्छ । सिभिल अस्पताल क्लिक गरेपछि त्यहाँ नयाँ वा पुरानो ओपिडी भन्ने विकल्प आउनेछ । त्यसमा पुरानो हो भने पुरानो र नयाँ हो भने नयाँ ओपिडी छान्ने ।

त्यसपछि आफूले जाँच गर्न चाहेको विभाग र डाक्टर तथा मिति छान्नुपर्छ । उक्त प्रक्रियापछि बिरामीले आफ्नो विवरण भर्नुपर्ने हुन्छ । सबै विवरण भरिसकेपछि टिकटको मूल्य आफ्नो प्रभु पे मोबाइल वालेटमा रहेको ब्यालेन्सबाट काटिने जनाइएको छ ।

अस्पतालले हाललाई जनरल ओपिडी टिकट काट्नका लागि अघिल्लो दिन बिहान ७ बजेदेखि परीक्षण गर्ने दिन बिहान ७ बजेसम्म राखेको छ । तर यो समय पनि क्रमशः आवश्यकताअनुसार बढाउँदै लगिनेछ ।

पेइङ क्लिनिकतर्फ मोबाइलमार्फत टिकट काट्नका लागि भने हाललाई अघिल्लो दिन बिहान १० बजेदेखि परीक्षणण गर्ने दिन बिहान १० बजेसम्मका लागि तोकिएको छ । यो समय पनि विस्तारै बढाउँदै लैजाने अस्पतालले जनाएको छ । त्यसैगरी अस्पतालले ल्याब रिपोर्ट अनलाइनमा हेर्न सकिने व्यवस्थासमेत शुरु गरेको जनाएको छ । (रासस)

सर्बाधिक पढिएको

आत्महत्या गर्नु अघि पुडासैनीले भनेका थिए- ‘रवि दाई आज नभए भोली तपाईको पापको घडा भरिनेछ’

आत्महत्या गर्नु अघि पुडासैनीले भनेका थिए- ‘रवि दाई आज नभए भोली तपाईको पापको घडा भरिनेछ’ ५ दिन पहिले | संसार न्यूज़

२९ साउन, काठमाण्डौं । नुवाकोटका पत्रकार शालिकराम पुडासैनीले आत्महत्या गरेको…

अपडेट : मानब अधिकारको संरक्षण गर्दै कानुनी कारबाही अगाडि बढाउछौं-एसपी दान बहादुर मल्ल

अपडेट : मानब अधिकारको संरक्षण गर्दै कानुनी कारबाही अगाडि बढाउछौं-एसपी दान बहादुर मल्ल ४ दिन पहिले | संसार न्यूज़

३० साउन, काठमाण्डौं । चितवनका प्रहरी उपरीक्षक (एसपी) दान बहादुर…

रवि लामिछानले भने-‘शालिकरामलाई ठूलो भ्रम परेछ, प्रमाणित भए सजाय होस्’

रवि लामिछानले भने-‘शालिकरामलाई ठूलो भ्रम परेछ, प्रमाणित भए सजाय होस्’ ५ दिन पहिले | संसार न्यूज़

२९ साउन, काठमाण्डौं । पत्रकार रवि लामिछानले आत्म्हत्या गरेका शालिकराम…

बकर इदमा सार्वजनिक विदा

बकर इदमा सार्वजनिक विदा १ हप्ता पहिले | संसार न्यूज़

२६ साउन काठमाडौँ । इस्लाम धर्माबलम्बीहरुको महान चाड इद –ऊल…

प्रदर्शनकारी घरघर पुगिसके-प्रमुख चितवन जिप्रका

प्रदर्शनकारी घरघर पुगिसके-प्रमुख चितवन जिप्रका ३ दिन पहिले | संसार न्यूज़

३१ साउन, काठमाडौं । शुक्रबार साँझ जिल्ला प्रहरी कार्यालय चितवनमा…

ओलिको खेलमा माधव यसरी पछारिए

ओलिको खेलमा माधव यसरी पछारिए २० घण्टा पहिले | संसार न्यूज़

१ भदौ, काठमाडौँ । नेपाल कम्युनिष्ट पार्टी भित्रको पछिल्लो शक्ति…