Sansar News- Nepal's Fast Khabar Online News Portal

७८ वर्षीय आमाको पौरख, छतमा तरकारी !

संसार न्यूज़
११ महिना पहिले
७८ वर्षीय आमाको पौरख, छतमा तरकारी !

५० वर्ष नाघेपछि आफूलाई बुढ्यौली लाग्यो भनेर सकेसम्म काम नगर्ने र अल्छि पारामा शरीरलाई माया गरिरहनेहरुको संख्या निकै रहेको बर्तमानमा काठमाडौँ महानगरपालिका वडा नं १५ डल्लु, की स्थानीय वासिन्दा ७८ वर्षीय मोतीमाया डंगोल उदाहरणीय व्यक्तित्व हुन् । यो उमेरमा पनि उनी दिनभर केही न केही गरिरहन्छिन । उनको मेहनत परीणामविहिन छैन । उनको घरको छतमा पुग्दा देखिने हरियाली मोतीमायाकै खटाइ हो । लटरम्म खुर्सानी फलेको छ । छतमै कुरिलो, लौका, घिरौला, कर्कला, करेलो लगाइएको छ । 

 ‘पहिला ५–६ रोपनी जग्गा थियो, खेतीपाती पनि हुन्थ्यो, तर तल्सिङले बेचेपछि अहिले ३ रोपनी जग्गा मात्र छ । धेरै खेत नभए पछि कौसीमा तरकारी लगाउन लागेको’ मोतीमाया सुनाउँछिन् । अहिले ३ रोपनी जग्गामा १२ वटा गोदाम, सटर, घर बनेर बाँकी रहेको जग्गामा अम्बा, एभोकाडो र आँपका बोटहरु छन् ।     मोतीमायाको श्रीमान पनि उनलाई कहिलेकाहिँ सघाउँछन्, तर उनले बढि समय सामाजिक काममा दिनेहुँदा कौसीमा धेरै समय मोतीमायाकै बितेका छन् ।

     ‘खाली जग्गामा आलु पनि लगाइन्थ्यो तर घरको सेपले हुनछाडेपछि लगाउन छाडियो’ बुहारा तारा डंगोल भन्छिन् ‘आफ्नो छतमा नभएका केही तरकारी मात्र किन्छौँ, ७ जनाको हाम्रो परिवारलाई खानपुग्छ, १० वर्ष त खुर्सानी नकिनेको भयो । आमा छतमा तरकारी स्याहार्न व्यस्त हुनुहुन्छ, हामीआमाको खुशीका लागि केही भन्दैनौँ, उहाँको खुशी नै हाम्रो खुशी हो ।’

शरीरमा सुगर, युरिकएसिड, प्रेसर छ, तर समय रह्यो की उनको समय कौसीमा बित्ने गर्दछ । ‘यति काम नगर्ने हो भने त थलै पर्थें होला’ मोतीमाया उत्साहित हुँदै भन्छिन् । मल के हाल्नु हुन्छ भन्ने संसारन्युजले जिज्ञासा राख्दा ‘तरकारीका सुकेकापातहरु भाँडामा राखेर बाल्छु अनि त्यहि खरानी राख्ने गर्दछु ।’ आफ्नै मेहनतले फलाएको लसुन देखाउँदै मोतीमाया फुरुङ बन्छिन् ।  वर्षौँ देखि कौसी खेतीगर्दै आएपनि उनी आधुनिक कौसी खेतीबारे भने त्यति जानकार छैनन । उनी आफ्नै अनुभवका आधारमा सिजन अनुसारको तरकारी उत्पादन गर्छिन् । आफूसँग नभएको बिउ पसलबाट किनेर ल्याउँछिन् भने धेरैको बिउ त आफ्नै कौसीबाटै निकाल्छिन् उनले । उनले कौसीमा तरकारी फलाएको देखेरै थालेका वरपरका छिमेकीहरुका प्राय घरमा पनि कौसीखेती देख्न सकिन्छ ।

७८ वर्षपुग्दा पनि उनको हँसिलो मुहार देख्दा ६०–६५ जस्तो देखिन्छिन् उनी । चलिरहनु स्वास्थ्यको लागि राम्रो हो, बुहारी तारा भन्छिन् ‘घरमा आउनेहरु तिमीभन्दा सासु तरुनी भन्छन्, मिलाएर कपडा लगायो भने त आमा हिरोनी जस्तो देखिन्छ भन्छन्’ उनी हाँस्दै भन्छिन्, ‘आमाको यो उमेरमा हामी यति सक्रिय हुन के सकिएला र !’ 

परम्परागत रुपमा आफ्नो उपभोगका लागि मात्र उत्पादन गरे पनि त्यो परिवारले किन्दा खर्च हुने बराबरको रकम राज्यलाई व्यापार घटाउन योग्दान पुग्छ भन्ने मान्यता मान्ने हो भने काठमाडौंवासीहरुले प्रत्येक करेसा, कौसी  र गमला खेतीबाट उत्पादन हुने परीमाणले अर्थतन्त्रमा राम्रै योगदान पुयाउँछ ।    

उनका छोरा सुवर्णमान डंगोल च्याउ विशेषज्ञ हुन् । उनीपनि आमाले कौसी तरकारी खेती गरेकोमा खुशी छन् । अष्ट ज अभियानसँग भर्खर भर्खरै जोडिएपछि उनले आफ्नो खाली जग्गामा अष्ट ज सहकारीका अर्गानिक तरकारीहरु हप्ताको एक पटक बेच्ने बताएका छन् ।

‘यी आमा मोतीमायाले गरेको उदाहरण उपत्यकामा संप्रेषण गर्न सके स्वस्थ तरकारीको उपभोगको साथै आयातका लागि गएको धनराशि समेत देशमै सञ्चिति हुने’ विश्वास अष्ट ज अभियन्ता माधव गजुरेलको रहेको छ ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो ३ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…