Sansar News- Nepal's Fast Khabar Online News Portal

सरकार जनताको स्वास्थ्यप्रति गम्भीर छ ः मुख्यमन्त्री गुरुङ

रासस
२ महिना पहिले
सरकार जनताको स्वास्थ्यप्रति गम्भीर छ ः मुख्यमन्त्री गुरुङ

२७ साउन, पोखरा । गण्डकी प्रदेशका मुख्यमन्त्री पृथ्वीसुब्बा गुरुङले प्रदेश सरकार जनताको स्वास्थ्यप्रति गम्भीर रहेको बताएका छन् । पोखरा महानगरपालिका–१६ बाटुलेचौरमा सञ्चालित मातृशिशु मितेरी अस्पतालको कर्मचारी आवास गृहको आज शिलान्यास गर्दै उहाँले प्रदेशअन्तर्गतका अस्पताललाई सुविधासम्पन्न बनाइने प्रतिबद्धता व्यक्त गरे ।

सङ्घ सरकारले हस्तान्तरण गरेर प्रदेश मातहतमा रहेका ११ जिल्ला अस्पताललाई स्तरोन्नती गरी ५० शै्याको बनाउने अभियानमा जुटेको बताउँदै उनले अस्पतालमा आवश्यक भौतिक संरचनासहित जनशक्ति र उपकरणको व्यवस्था गरिने उल्लेख गरे । समाजका असहाय एवं विपन्न जनतालाई आधारभूत शिक्षा, स्वास्थ्यको पहुँच पु¥याउन नसकेसम्म समृद्धि प्राप्त गर्न नसकिने बताउँदै मुख्यमन्त्री गुरुङले जिल्ला अस्पतालले चलान गरेका सबै रोगका बिरामीको उपचार गर्ने सुविधासम्पन्न अस्पताल सञ्चालनका लागि सङ्घ सरकारसँग माग गरिएको जानकारी गराए ।

प्राकृतिक सुन्दरता एवं सांस्कृतिक सम्पन्न गण्डकी प्रदेशको समृद्धिको आधार पर्यटन भएको उल्लेख गर्दै उनले सरकारले पर्यटन विकासका लागि २७४ घरबास र ११० वटा नयाँ गन्तव्य पहिचान गरी पूर्वाधार विकासको अभियानमा जुटेको बताए । सो अवसरमा मुख्यमन्त्री गुरुङले अस्पताल हातामा निमको बिरुवासमेत रोपेका थिए ।

अस्पतालका संस्थापक अध्यक्ष एवं प्रदेशसभा सदस्य कृष्ण थापाले जनताको प्रत्यक्ष सहभागितामा सञ्चालित मातृशिशु मितेरी अस्पतालको स्थापनामा जाइकाको महत्वपूर्ण सहयोग रहेको उल्लेख गर्दै यसलाई बालबालिका तथा महिला अस्पतालका रूपमा विकास गर्ने लक्ष्य रहेको बताए । सामाजिक विकास मन्त्रालयका सचिव दीर्घनारायण पौडेलले अस्पतालको विकासका लागि मन्त्रालयले आवश्यक उपकरण खरीद तथा भौतिक संरचना निर्माणका लागि रु आठ करोडभन्दा बढी रकम विनियोजन गरेको जानकारी गराए ।

अस्पतालका मेडिकल सुपरिटेण्डेन डा प्रेमराज पगेनीले अस्पतालको दिनप्रतिदिन महत्व बढ्दै गएको बताउँदै गत आव मात्र ५८८ जनाले अस्पतालमा सुरक्षित प्रसूति गराउन सफल भएको बताए । अस्पताल व्यवस्थापन समितिका अध्यक्ष उषा बरुवालले सामाजिक विकास मन्त्रालयको रु तीन करोडको लागतमा पाँच तले कर्मचारी आवास गृह निर्माण गर्न लागेको जानकारी गराए ।

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ २ महिना पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा २ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर ३ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ २ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…