Sansar News- Nepal's Fast Khabar Online News Portal

सतीले सरापेको देश र श्रीमतीलाई रातो चूरा लगाउनु भन्दै आत्महत्या गरे पूर्वकर्मचारीले

संसार न्यूज़
११ महिना पहिले

२८ साउन, काठमाण्डौं । भ्रष्टाचारको आरोपमा मुद्दा खेपिरहेका एक पूर्वकर्मचारीले सतीले सरापेको देश रहेछ भन्ने सुसाईड नोट लेखेर आत्महत्या गरेका छन् ।


मालपोत कलंकीमा कार्यरत रहँदा भ्रष्टाचारको आरोपमा विशेष अदालतमा मुद्दा खेपिरहेका उदयपुर त्रियुगा नगरपालिका १० का ५५ वर्षीय हरि आचार्यले आफ्नै घरदेखि १ किलो मिटर पर जंगलमा पुगेर आत्महत्या गरेको जिल्ला प्रहरी कार्यालय उदयपुरले जनाएको छ ।

२५ साउनमा मुद्धाकै सिलसिलामा काठमाण्डौ आएर घर फर्किएका आचार्यले तत्कालै झोला र मोबाइल फालेर घरमा कसैलाई केही पनि नभनि निस्किएका थिए । उनी अबेरसम्म नआएपछि उनका परिवारले प्रहरीलाई खबर गरेको थियो । प्रहरीले बसपार्क लगायत अन्य ठाउँमा खोजिगर्दा पनि उनी कतै भेटिएनन् । अर्कोदिन पनि खोज्ने क्रममा आचार्य जंगलमा झुण्डिएको अवस्थामा फेला परेको जिल्ला प्रहरी कार्यालय उदयपुरका डिएसपी तथा प्रवक्ता हरिकृष्ण केसीले संसारन्युजलाई जानकारी दिएका छन् ।

केसीका अनुसार उनले सुसाइड नोट समेत लेखेका थिए । गोजिमा रहेको उनको सुसाइड नोटमा भनिएको छ, ’सतीले सरापेको देश रहेछ, मैले दुई पैसा खाएको छैन् । तर देशको ठूलो भ्रष्टचारी भएँ । प्रमुख अख्तियार आयुक्त नवीनकुमार घिमिरेको आयु २०० वर्ष होस् । म जस्ता निर्दोषलाई विशेष अदालतमा मुद्दा छ, रमेश भाई काठमाण्डौंले सहयोग गर्नू ।’

डिएसपी केसीका अनुसार आचार्यको परिवामार बेमेल रहेका कारण आचार्य तनावमा रहेको र काठमाण्डौंको शिभिल अस्पतालको प्रेस्कीप्सनमा डिप्रेशनको औषधि सेवन गरिरहेको पनि अनुसन्धानका क्रममा भेटिएको छ ।

आचार्य २६ गते विहान ७ बजे झुण्डिएको अवस्थामा मृत भेटिएको पनि डिएसपी केसीले जानकारी दिए ।

के लेखेका थिए सुसाइड नोटमा आचार्यले
’सतीले सरापेको देश रहेछ, मैले दुई पैसा खाएको छैन् । तर देशको ठूलो भ्रष्टचारी भएँ, प्रमुख अख्तियार आयुक्त नवीनकुमार घिमिरेको आयु २०० वर्ष होस्, म जस्ता निर्दोषलाई विशेष अदालतमा मुद्दा छ, रमेश भाई काठमाण्डौंले सहयोग गर्नु । आफ्नो नाममा पुराण लाउने काम नगर्नु र नउक्साउनु, मलाई सबैले राम्रो देख्लान् तर पारिवारिक वातावरण मिलाउन सकिन, कामबाट चोखिने काम मात्र गर्नु । मैले कामगर्दा भएको गल्ती हो, स्वीकार गरी नेपाल सरकार बताइसकेको थिएँ । ममीले छोराहरुसँग र सासुसँग मिलेर बस्नु र छोराले पनि ममीलाई राम्रो गर्नु । म विदा भएँ । खातामा पैसा छन्, श्रीमती केही जान्दिन साथीभाइले मनैले सहयोग गर्नु, मलाई बस्नेतको आँपगाछी हुँदै जंगलमा खोज्नु । कान्छो छोराको ब्याचलर सकुँला भनेको थिएँ सकिन, पापी भएँ । बाणिज्य, नेपाल, एनसिसी, एनआईसी बैंकमा के कति पैसा छ, चेक दराजभित्र सानो व्यागमा छ, अन्यमा पैसा भएपनि कमै छ । वीरेन्द्र काकालगायत छिमेकीले भैंसी, खसी तह लगाइदिनू । आमा, साहिली बुहारी र भतिजाले सुरक्षा गर्नू । सबै ढोका बन्द गरेर कान्छो छोरा पढाएर गोमा काठमाण्डौँ बस्नु, गोमाले रंगिन लुगा लगाउनू, १३ औँ दिनमा सबै फुकाउनू । नेपाल निजामती कर्मचारी संगठनका साथीहरुले मेरो योगदानको कदर गर्दै सहयोग गरिदिनू ।’

स्मरण रहोस्, अख्तियार दुरुपयोग अनुसन्धान आयोगले नायब सुब्बा आचार्यसहित कलंकी मालपोतका अधिकृत शिवप्रसाद रिमाल, नक्कली जग्गाधनी मीनाकुमारी थापा, सुयल हाउजिङका सञ्चालक रामकुमार सुयल थापा, मीनाकुमारी थापाका वारेस दीपेन्द्रविक्रम शाह, अधिवक्ता बाबुराम (शर्मा) रेग्मी र अधिवक्ता योगेन्द्र पोखरेलविरुद्ध गत जेठको दोस्रो साता मुद्दा दायर गरेको थियो । उनीहरुमाथि ९२ रोपनी सरकारी जग्गा किर्ते गरी हाउजिङका नाममा नामसारी गरिदिएको आरोपमा मुद्दा दायर गरिएको थियो ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? १ हप्ता पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…