Sansar News- Nepal's Fast Khabar Online News Portal

खुसीको अनिकाल !

बलराम तिमिल्सिना
११ महिना पहिले

कुन बाबु आमा खुसी हुदैनन्
आफ्ना सन्तानको
खुसीमा
प्रगतिमा
प्रतिभामा
सुखमा र सम्पन्नतामा
यहाँ खाँचो त ती बाबु आमाको छ
जो अरु सन्तानको दुखमा पनि दखी हुन्छन्
अरुका सन्ताको शोकमा पनि रुन्छन् !

आफ्नो घर अग्लिदै जाँदा
दुखको पहाड पग्लदै जाँदा
कुन घरका मान्छे खुसी हुदैनन् ?
यहाँ खाँचो त ती घरबेटीको छ
जो घर विहीनहरूको लागि रुन्छन् !

आफ्नो कलेजले
नेपाल फर्स्ट गर्दा
कुन प्रिन्सिपल गदगद हुदैन ?
यो कुन नयाँ कुरा हो र
यो गदगद हुन
न कुनै वल गर्नु पर्छ
न कुनै कर तिर्नु पर्छ
यहाँ खाँचो त ती प्रिन्सिपलको छ
जो अर्को साल
सरकारी कलेज प्रथम भएको सपना देख्छ !

आफ्नी प्रेमिकासँग
या आफ्नो प्रेमीसँग
अन्तरङ्ग प्रेमालापको समय
कुन जोडी अल्हादित हुदैन ?
यहाँ अनिकाल त ती प्रेमीहरूको छ
जो अरुको प्रेमालापको डाहा गर्दैनन्
या अरुको प्रेम विघटनमा दुखी हुन्छन्

देश धनी भयो
देश शक्तिसाली भयो
भात भान्साको दुख हरायो
यस्तो परिवेशमा
कुन नागरिक खुसी हुदैन र ?
तर खाँचो त ती नागरिकको छ
जो अरु देशका नागरिकलाई
भाँडा मझाउँदा दुखी हुन्छन्
अरु देश पनि आफ्नोजस्तै
सुखी सम्पन्न होस भनेर सोच्छन् !

आफू र आफ्ना वारे चिन्ता गर्न
कसैले सोचिरहनै पर्दैन
भित्रैबाट जन्मन्छ चिन्ता
खाँचो त अरुको चिन्ता गर्नुमा छ
जुन चिन्ता
अनेक प्रयत्नपछि पनि नक्कली जन्मन्छ !

२०७६|०४|२८
भक्तपुर

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ७ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…