Sansar News

ब्रेक्जिटपछिको अवस्था मध्यनजर गर्दै सामानको भण्डार गर्दै बेलायती

संसार न्यूज़
५ दिन पहिले

२८ साउन, लण्डन । बेलायतीले पछिल्ला केही साता एता ब्रेक्जिटपछिको सम्भावित अन्योललाई मध्यनजर गर्दै नागरिकले अत्यावश्यक सामानको भण्डारण गर्न थालेका एक सर्भेक्षणले देखाएको छ ।

सर्भेक्षणअनुसार अक्टोबरमा बेलायत यूरोपेली संघ (इयू)बाट सम्झौता बिहीन अवस्थामा बहिर्गमन गर्ने सम्भावनापछि बेलायतीले खाद्यान्न, औषधि तथा पेय पदार्थको भण्डारण गरेका छन् ।

बेलायतीले ब्रेक्जिटपछिको अवस्थालाई हेरेर करिब चार अर्ब ८१ करोड अमेरिकी डलर थप रकम खर्चेर सामानको भण्डारण गरेका बताइएको छ ।

वित्तीय संस्था प्रिमियम क्रेडिटले गरेको सर्भेक्षणमा हरेक पाँच बेलायतीमध्ये एक जनाले प्रतिदिन थप ४५८ अमेरिकी डलर खर्चिने गरेका पाइएको छ ।

सामान भण्डारण गर्नेमध्ये ७४ प्रतिशतले थप खाद्यान्न किनेर राखेका बताए भने ५० प्रतिशतले औषधीसमेत किनेर राखेको बताए । यस्तै ४६ प्रतिशतले पेय पदर्थको जोहो गरेको सर्भेक्षण रिपोर्टमा उल्लेख छ ।

प्रधानमन्त्रीमा कडा ब्रेक्जिट पक्षधर बोरिस जोनसन निर्वाचित बनेपछि उनले इयूसँग सम्झौता भएपनि नभएपनि निर्धारित अक्टोबर ३१ मा ब्रेक्जिटको कार्यान्वयन हुने बताएका छन् ।

यसपछि कैयौँ बेलायती नागरिकले यदि सम्झौताबिहीन अवस्थामा बेलायत इयू बाट बाहिरिए बेलायतमा कतिपय सामानजहरूको आपूर्तिमा कमी आउनसक्ने डर भएको बताएका छन् ।

बेलायतमा उपयोग हुने ५३ प्रतिशत खाद्यान्न मात्र स्वदेशमा उत्पादन हुने र बाँकी धेरै इयू सदस्य राष्ट्रबाट आयत हुने गरेको सरकारी तथ्याङ्कमा उल्लेख छ ।

खाद्यान्न तथा अतिआवश्यक खाद्यान्न बाहेक अन्य सामानहरूको पनि बेलायती बजारमा किनबेच बढेको छ ।

बेलायती कानून कम्पनी बुडल ह्याटफिल्डले भनेको छ, “बेलायतमा आरामदायी विदेशी कारको किनबेचमा पनि १६ प्रतिशतले वृद्धि आएको छ भने आरामदायी विदेशी कारको आयातमा ३२ प्रतिशतले वृद्धि देखिएको छ ।” सिन्ह्वा

सर्बाधिक पढिएको

तीन तलाक विधेयक पारितभएको चारदिनपछि नै पतिले गरे फोनबाटै सम्बन्धविच्छेद

तीन तलाक विधेयक पारितभएको चारदिनपछि नै पतिले गरे फोनबाटै सम्बन्धविच्छेद २ हप्ता पहिले | संसार न्यूज़

१९ साउन,भारत । मुस्लिम महिलाको हित सम्बद्र्धन गर्न बनेको भनिएको…

१४ घण्टापछि नै अमेरिकामा अर्को आक्रमण, ९ जनाको हत्या

१४ घण्टापछि नै अमेरिकामा अर्को आक्रमण, ९ जनाको हत्या २ हप्ता पहिले | संसार न्यूज़

१९ साउन, । अमेरिकाको टेक्सासमा १९ जनाको हत्या हुने गरी…

अमेरिकामा मारिए ओसामाका छोरा, तर बोल्न चाहेनन् अमेरिकी राष्ट्रपति

अमेरिकामा मारिए ओसामाका छोरा, तर बोल्न चाहेनन् अमेरिकी राष्ट्रपति ३ हप्ता पहिले | संसार न्यूज़

१६ साउन । आतंककारी अलकायदाको नेता ओसामा बिन लादेनका छोरा…

किन पक्राउ गरियो जहाज उडाउनै लागेका दुई अमेरिकी पाइलटलाई  ?

किन पक्राउ गरियो जहाज उडाउनै लागेका दुई अमेरिकी पाइलटलाई ? २ हप्ता पहिले | संसार न्यूज़

४ अगस्त, काठमाण्डौं । जहाज उडाउनै लागेका अमेरिकी पाईलट स्कटल्याण्डमा…

भारतीय मुस्लिम महिलाका खुसीको खबर, राज्यसभाबाट  पारित भयो ‘तीन तलाक’

भारतीय मुस्लिम महिलाका खुसीको खबर, राज्यसभाबाट पारित भयो ‘तीन तलाक’ ३ हप्ता पहिले | संसार न्यूज़

३१ जुलाई, काठमाण्डौं । भारतको राज्यसभाबाट तीन तलाक पारित भएको…

दिल्लीका जनतालाई निःशुल्क बिजुली !

दिल्लीका जनतालाई निःशुल्क बिजुली ! ३ हप्ता पहिले | संसार न्यूज़

१६ साउन । दिल्लीको आम आदमी पार्टीले विधानसभा चुनाव अघि…