Sansar News- Nepal's Fast Khabar Online News Portal

‘म अहिले पनि बावुरामलाई भारतको दलाल भन्न सक्तिन’

संसार न्यूज़
११ महिना पहिले
‘म अहिले पनि बावुरामलाई भारतको दलाल भन्न सक्तिन’

गुणाखर बस्याल ‘सरोज’ नेपालको राजनीतिक आन्दोलनमा प्रतिबद्ध एक राजनीतिकर्मी । राजनैतिक आन्दोलनमा पनि मुख्यत कम्युनिष्ट आन्दोलनसँग जोडिएर गैर कम्युनिष्टहरुको पार्टी हुँदै फेरि कम्युनिष्ट आन्दोलनमै फर्केका उनी पर्वत क्षेत्र नं २ बाट २०६४ मा संविधानसभा सदस्य निर्वाचित भएका व्यक्ति समेत हुन् । नेपालको राजनीतिमा आउने उतार चढाव र व्यक्तिहरुमा आउने समस्या हरुबाट उनी पनि मुक्त छैनन् । डा. बाबुराम र उपेन्द्र यादवका दुई पार्टी मिलेर बनेको समाजवादी पार्टीमा उनी केन्द्रीय सदस्य सहित गण्डकी प्रदेशको उपाध्यक्ष समेत चुनिएका थिए । अचानक नेकपामा प्रवेश गरेको भन्दै डा. बाबुरामबाट सार्वजनिक खप्कि खाएका गुणाखर वस्यालसँग संसारन्युजका तर्फबाट फर्शुराम भुर्तेलले गरेको कुराकानी ।

अहिले अचानक नेकपामा प्रवेश गरेर चर्चामा आउनु भयो, चर्चामै आउन अचानक प्रवेश गर्नु भएको भन्नै हल्ला छ नी ?

चर्चामा आउनैका लागि अचानक प्रवेश गरेको होइन । एउटा बहश, छलफल र प्रक्रियाको परीणाम अचानक रुपमा देखा परेजस्तो भएको हो । राजनीतिमा यस्तो स्वभाविक हुन्छ ।

डा. बाबुरामले त तपाईलाई अचाक्ली नै लेख्नु भए छ नि ?
म डा. बाबुरामलाई असाध्यै सम्मान गर्छु । उहाँलाई पाटी भित्र बाहिर सबैतिर भारत नजिकैको मात्र होइन, दलाल भन्दा पनि प्रतिबादमा लडिरहेको हु र अहिले उहाँले मलाई गाली गर्दा पनि उहाँलाई म कसैको तलब खाने मान्छे वा दलाल भन्न सक्तिन । मुलकको समृद्धिको बारेमा भिजन भएको तथा अध्ययनशील राजनैतिक व्यक्तिका रुपमा अझै पनि उहाँप्रति मेरो सम्मान छ । उहाँजस्तो मान्छेले म जस्तो सामान्य कार्यकर्तालाई यति तल झरेर बोल्नलेख्न पर्दैनथ्यो । उहाँकौ बौद्धिकस्तर र वर्वराहट सार्वजनिक भएको महसुस गरेको छु ।

गण्डक प्रदेशको उपाध्यक्ष जिम्मा पाउने वित्तिकै तपाई नेकपामा प्रवेश गर्दा उहाँलाई औडाहा भएको हो त ?

समयकालमा राजनीतिका धेरै शिर्ष व्यक्तिहरुको पनि उतार चढाव हुन्छ । उहाँकै हेरौ न, जनयुद्धकालभरी उहाँले प्रचण्डलाई धैर्यतापूर्वक सम्मान गर्नु भएन । संविधान बनाउन रातदिन खर्चेका बाबुराम घोषणा हुँदा साथ नचाहिदौ बोल्नु भयो र अन्तत मुलुकले नाकाबन्दी समेत भोग्यो, यो छर्लङ्गै छ । उहाँले आफूलाई हेर्नुहुन्न, अरुलाई मात्र दोष दिनुहुन्छ । उहाँको विचलन आउने र औडाहा पलाउने कुरा त सामान्य जस्तो भएको छ । म त भन्छु उहाँलाई फेरि पनि, उपेन्द्रजीको कार्यकर्ता बन्नु भन्दा ओली, प्रचण्ड र माधवको सहयात्री बन्नुस् ।

एकाएक प्रवेशकोे परिस्थिति के थियो र त्यस्तो तपाइमा ?
हेर्नुस् म समाज रुपान्तरणको लागि सक्रिय भै रहन रुचाउने मान्छे हुँ । सानै उमेरदेखि म क्रान्तिकारी धार तत्कालिन चौमको राजनीतिबाट आकर्षित हुँदै मशाल, एकताकेन्द्र र माओवादीको विभिन्न जिम्मेवारी लिएर क्रियाशील रहँदै आएको व्यक्ति हुँ । यस क्रममा मानिसले जीवनमा भोग्ने धेरै प्रकारका दुर्घटना मध्ये मैले पनि केही भोगे हुँला । नयाँ जनवादी क्रान्तिमार्फत् देश र जनताको मुक्तिका लागि हिँडेको मैले व्यक्तिगत आर्जनका लागि राजनीतिलाई कहिल्यै माध्यम बनाएको छैन । समाज रुपान्तरणको यात्रा गर्दा जहाँबाट सहज हुन्छ र अर्थपूर्ण सहभागीता हुन्छ त्यहाँ रोज्नु सामान्य हो । डा. बाबुराम उपेन्द्रले सपथ खुवाएर राजनीति गर्नुपरेको स्थिति र समाजका घिसपिठे तत्वहरुसँगको सहकार्यले राजनैतिक त्यहाबाट लक्ष्य पूरा गर्न नसकिने मेरो ठम्याइकै कारण म नेकपामा प्रवेश गरेको हो ।

तपाईले निर्वाचन जितेको क्षेत्र पर्वत २ मा विकासमा चासो देखाउनु भएन, पछि नयाँ शक्तिमा हुँदा पनि राजनैतिक गतिबिधि गर्न जानु भएन भन्ने बुझाइ मतदाताबाट थियो नि त ?
मैले तत्कालिन पर्वत २ र पर्वतमात्र होइन, छिमेकी जिल्लाहरुमा पनि विकासको प्रवाह गराउन भूमिका खेलेको छु । पर्वत २ मा भएका पछिल्ला विकास पूर्वाधारका जग शुरुवात गराउन मैले कति मेहनत गरे सबै मतदातालाई थाहा नै छ । संविधान निर्माणपछि भएको पार्टी विभाजन र नेकपाको कमिटीमा रहेर काम गर्न नपाएको कारण यस्तो गुनासो आएको होला । यसलाई मैले स्वभाविकै लिएको छु । ज्ञान, धैर्यता र कौशलताको अभावमा त्यतिबेला अपेक्षा अनुसार गर्न सकिन होला । २०६४ मा मलाई भोटदिनुहुने आम मतदातासँगसँगै रहिरहन नपाएकोमा म आफै पनि दुखी छु ।

नेकपा प्रवेशपछि अवको जिम्मेवारी कता लिँदै हुनुहुन्छ ?
मेरो राजनैतिक संलग्नता, योगदान, पृष्ठभूमि र अनुभव हेरेर पार्टीले खटाउने विषय हो । तर नेकपा प्रवेश गरेपछि गण्डकी प्रदैशका केही जिल्ला एवं पर्वतका साथीहरुसँग पनि भेटघाट गरें । उहाँहरुको आत्मीय स्वागतमात्रै होइन, पर्वत नै आइज भनेर बोलाउनु भएको छ । म भावुक हुँदै साथीहरुलाई भने पनि ‘मिले सम्म र सकेसम्म पर्वत नै आउनेछु ।’

अबको राजनीतिक जीवन स्थिर बनाउने संकल्प गर्नु भयो होइन ?
हो, हाम्रो हिजोका सपना पूरा भएका छैनन् । त्यसलाई पूरा गराउन नेकपाभित्रै रहेर प्रयास गर्ने कुरामा दृढ भएको छु । नेपाली समाजको रुपान्तरण र समृद्धिमा तुलनात्मक रुपले नेकपा नै मुख्य संवाहक भएकोले यो नै जीवन र संघर्ष बन्नेछ ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? १ हप्ता पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…