Sansar News- Nepal's Fast Khabar Online News Portal

किन फितलो बन्दै छ नेपाल प्रहरीको अनुसन्धान ?

निर्भिक नारायण भुर्तेल
११ महिना पहिले
किन फितलो बन्दै छ नेपाल प्रहरीको अनुसन्धान ?

घटना-१
केही महिना अगाडी स्याङजाको भिरकोट नगरपालिका वडा नम्बर १ बयरघारीस्थित सिद्धार्थ राजमार्गको मुख्य सडक छेउमा एक जना अधवैशे पुरूष मृत फेला परे । घटनाको प्रकृति हर्दा हत्या गरिएको सजिलै अनुमान गर्न सकिन्थो ।


सोही क्रममा म पनि मेरो क्यामरा सहित त्यहा पुगेको थिए । मैले प्रहरीलाई नसोधि भिडियो खिच्न पनि सक्थे किन कि, त्यहा भिडियो खिच्न मनाई थिएन । तर, पनि मैले स्याङजाका डीएसपी नविन कृष्ण भण्डारी सरलाई फोन गरे र सोधे उहाँले आफुहरु अनुसन्धानमा भएको कारण भिडियो नखिच्नु आग्रह गर्नु भो । अनुसन्धानको विषय कति गम्भिर हुन्छ भन्ने कुरा मैले राम्रोसँग बुझेको छु । अर्को कुरा मैले प्रहरी, आर्मी र सेनालाई आत्मैदेखी सम्मान गर्छु । त्यसैले अनुसन्धानमा सहयोग गर्नु मेरो कर्तव्य थियो । मैले भिडियो खिचिन । पछि जिल्ला प्रहरी कार्यालयबाट मृतकको बारेमा सूचना र फोटो ईमेलमा आयो । त्यही आधारमा समाचार प्रसारण गरियो । चाहेको भए मैले सन्सनी पूर्ण भिडियो खिचेर समाचार बनाउन पनि सक्थे तर मैले नेपाल प्रहरीलाई अनुसन्धनमा सहयोग गर्ने पक्ष मुख्य ठाने ।

घटना-२

केही दिन अगाडी चितवनको एक होटलमा माउन्टेन टेलिभिजनका पत्रकार शालिकराम पुडाशैनी झुण्डिएको अवस्थामा मित्र फेला परे । उनी झुण्डिएको फोटो र भिडियो हेर्दा पनि आत्महत्या नभई हत्या नै हो भन्न कोही पनि पछि परेनन् । देख्नेहरु सबैले हत्या नै हो भने । पुडाशैनीले आत्महत्या गरे या हत्या भन्ने विषयमा अनुसन्धानको विषय बन्यो ।

अनुसन्धानको क्रममा प्रह्रीले उनको मोबाईल भेट्यो र मोबाईलमा उनले मर्नु भन्दा अगाडी रेकर्ड गरेको भिडियो भेटेको जानकारी दियो । तर भिडियोमा भनेका कुरा भन्न नमिल्ने भन्दै अनुसन्धानपछि बताउने जानकारी समेत दियो । प्रहरीले थप अनुसन्धानको लागि मोबाईल काठमाण्डौ पठाएको सम्म जानकारी पाईयो । मोबाईल अनुसन्धनमा पठाएको ९–१० दिन भित्र नै पत्रकार पुडाशैनीले मर्नु भन्दा अघि रेकर्ड गरेको उक्त भिडियो बाहिरियो र अहिले युट्युव र सामाजिक संजालमा भाईरल भएको छ । भिडियोमा उनैले के भनेका छन त्यो मैले भन्नु नपर्ला तर, हामी पत्रकारहरुले अनुसन्धानलाई सहयोग गर्न आफ्नो क्यामरा बन्द गर्ने तर प्रहरी आफैले नियम पालना किन गरेन भन्ने मेरो प्रश्न हो ।

सर्वत्र चासोको रुपमा रहेका गम्भिर अनुसन्धानका विषय वस्तु किन प्रहरीले मिडिया अनुसन्धान पूरा नभई दिने गर्दछ ? यो नै गम्भिर विषय बनेको छ । हामीलाई थाहा छ विश्वमा यति छिटै अनुसन्धान बिना नै प्रहरीले कुनै पनि भिडियो सार्वजनिक गर्दैन । मिडायाले प्रहरीले के गर्दै छ भन्ने सुईको समेत पाउदैनन । तर अनुसन्धानको लागि प्रहरी आफैले लगेको पत्रकार पुडाशैनीको भिडियो कसरी बाहिरियो ?

हुनत, प्रहरिले चितवनमा पनि खुलेआम रुपमा झुण्डिएको फोटो भिडियो खिच्न दिएको थियो । यस्तो विश्वमा कमै ठाउँमा हुने गर्दछ । प्रहरीले मिडियालाई मात्र हैन हरेक नागरीकलाई हत्या गरिएका र हत्या भएका यस्ता भिडियो खिच्न किन यसरी खुलेआम रुपमा दिने गर्दछ । के प्रहरीको आफ्नै नियम छैन ? छ भने किन लागु गर्दैन ?

अहिले सार्वजनिक भएको भिडियो मात्र हैन यस्ता घटनाको हरेक भिडियो अहिले युट्युवमा हेर्न सकिन्छ । आखिर किन प्रहरी यति सहज बन्दै छ अपराधिक घटनमा । यही भिडियोका कारण अर्को दुर्घटना हुन सक्छ भन्ने ख्याल प्रहरीले किन गर्दैन ?

हो, हामी पत्रकार, मिडिया र आम नागरीकलाई सूचनाको हक पाउनु पर्ने व्यवस्था संविधानमा नै उल्लेख छ । तर कतिपय गोप्य सूचना र अनुसन्धानमा बाधा पुर्याउन नपाईने भनेर पनि त्यही लेखिएको छ । यता नेपाल प्रहरी भने आफुसँग भएका गोप्य अनुसन्धानका पक्षहरु भने भटाभट फेसबुक र मिडियामा सार्वजनिक गर्दछ । यसबाट थाहा हुन्छ हाम्रो शुरक्षा व्यवस्था कति कमजोर छ भनेर ।

आखिर किन फितलो बन्दै छ नेपाल प्रहरीको सुरक्षा व्यवस्था ? हरेक पक्षमा किन कमजोरी पन देखाउदै छ नेपाल प्रहरी । के नेपाल प्रहरीको सत्य सेवा सुरक्षणम यही हो ? धन्यबाद ।

सर्बाधिक पढिएको

होटल क्वारेन्टिनको विवरण सार्वजनिक, हेर्नुहोस् होटलहरुको सूचि, सम्पर्क र दर समेत

होटल क्वारेन्टिनको विवरण सार्वजनिक, हेर्नुहोस् होटलहरुको सूचि, सम्पर्क र दर समेत ४ हप्ता पहिले | संसार न्यूज़

२४ जेठ, काठमाडौं । सरकारले बिदेशबाट आएर आफ्नै खर्चमा क्वारेन्टिनमा…

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो ४ दिन पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…