Sansar News- Nepal's Fast Khabar Online news portal

बेपत्ता भएको एक वर्ष बित्दासक्दा पनि भेटिएनन् पत्रकार

संसार न्यूज़
१ महिना पहिले
बेपत्ता भएको एक वर्ष बित्दासक्दा पनि भेटिएनन् पत्रकार


३० साउन, बाजुरा । नेपाल प्रेस युनियन डोटी शाखाका संस्थापक अध्यक्ष तथा पत्रकार तेजबहादुर खड्का ‘तेजु’ बेपत्ता भएको एक वर्ष बित्न लाग्दासमेत अहिलेसम्म उनको कुनै जानकारी हुन सकेको छैन ।

विसं २०७५ भदौ महीनाको ९ गते बाजुराको बूढीनन्दा धार्मिक क्षेत्रबाट चतुर्दशीको मेला सकेर फर्किने क्रममा सातपाखे भन्ने ठाउँबाट उनी सम्पर्कविहीन भएका थिए । बेपत्ता भएदेखि उनको निकै खोजी गरिए पनि अहिलेसम्म कुनै खबर पत्ता नलाग्दा परिवार चिन्तित छन् । समुद्र सतहदेखि करीव १६ हजार फिट उचाइमा रहेको बूढीनन्दामा भाद्र शुक्ल चतुर्दशीको बिहान लाग्ने मेलाको समाचार सङ्कलनका लागि पत्रकार खड्का भदौ ६ गते त्यसतर्फ गएका थिए । उनी सम्पर्कविहीन भएको एक वर्ष पुग्नलाग्दा समेत कुनै अत्तोपत्तोे छैन ।

बेपत्ता पत्रकार खड्काको खोजीका लागि नेपाली सेना, नेपाल प्रहरी र स्थानीयवासी लगातार खटिरहे पनि अहिलेसम्म कुनै खबर नआएकामा परिवार निकै दुःखी भएको उनका दाजु जीतबहादुर खड्काले बताए । उनले भने , “मेरो भाई हराएको एक वर्ष हुन लाग्यो, कहीँ कसैले पनि पत्ता लगाउन नसक्दा हामी निकै दुःखी भएका छौँ ।”
बूढीनन्दाबाट फिर्ता भएका खड्का बर माग्ने भन्ने ठाउँमा केही सामान छुटेकाले लिन गएकामा अहिलेसम्म सम्पर्कमा नआएका अर्का दाजु विजय खड्काले बताए । उनले भने, “भाइको छोराछोरीले बाबाको खबर केही आयो कि भनेर सोध्नछन्, आफूसँग उत्तर छैन, के भनेर छोराछोरीलाई सम्झाउने ।” पत्रकार खड्काको खोजीका लागि नेपाल पत्रार महासङ्घले विभिन्न खोजविन टोली बनाए पनि अहिलेसम्म कसैले पनि उनको अवस्थाका बारेमा खासै आधिकारिक खबर दिन सकेका छैनन् ।
विसं २०५४ मा कार्यक्रम प्रस्तोताका रुपमा रेडियो नेपाल क्षेत्रीय प्रसारण केन्द्र दिपायलबाट आफ्नो पेशा शुरु गरेका खड्काले रेडियो नेपालमा रहँदा समाचार वाचक, कार्यक्रम उत्पादक र कार्यक्रम प्रस्तोताका रुपमा काम गरेका थिए । उनले प्रस्तुत गर्ने कार्यक्रममा ‘देउडा गीतको सेरोफेरो’ र ‘बसिबियालो’ लोकप्रिय थिए । क्षेत्रीय प्रसारण केन्द्र हुँदै केही समय उनले रेडियो नेपालको केन्द्रीय प्रसारण केन्द्र सिंहदरबारमा समेत काम गरेका थिए । बेपत्ता हुनुपूर्व उनी बाजुराको कोल्टीमा रहेको बूढीनन्दा एफएममा कार्यरत थिए । (रासस)

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ४ हप्ता पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ४ हप्ता पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर २ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ ४ हप्ता पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…