Sansar News- Nepal's Fast Khabar Online News Portal

लघुकथा : जुठो

राजन प्र. न्यौपाने (श्रीयम)
१२ महिना पहिले
लघुकथा : जुठो

शिव सुकुलको छेउमा बसेर बेलुकीको खाना खाँदै थियो, नजिकै ५ वर्षकी छोरी रञ्जिता पनि बटुकोमा भात मुछेर खादै थिई । रञ्जिताले बाबा ! भन्दै खाना खाइरहेको हातले उसको थालबाट आलुको चाना निकालेर खाईदिइन् । खानामा छोरीले जुठो हालिदिई भनेर थाल झट्टी हान्दै श्रीमती राधालाई तथानाम गाली गर्दै घरबाट निस्किएको शिव अलि परको शेर्पीनी दिदीको भट्टिमा छि¥यो ।

भट्टिमा चुरोट तान्दै शेर्पीनी दिदी बेञ्चीमा बसेकी थिइन् । खै किन हो आज शेर्पीनीको भट्टिमा अरु ग्राहक नदेखेकोले शिवलाई आनन्द आइरहेको थियो । ‘ओहो शिवे ! आज त रातपर्नै लाग्दा पो आइस् त, बूढीसँग ठाकठुक प¥यो कि क्या हो ? ला, चुरोट खान्छस् ?’ शेर्पीनीले आफूले तानीरहेको चुरोटको ठुटो दिदै भनिन् ।

उसले केही नभनी च्याप्प समातेर चुरोट तान्न थाल्यो । शेर्पीनीको लिपिस्टिक लगाएको ओठले च्यापेको चुरोट तान्दा उसको ओठमा पनि लिपिस्टिकको डाम बस्यो । तर शिवलाई यसको कुनै मतलब भएन । ए साहुनी ! खै एउटा तुम्बा लेउ त उसले आदेश दियो । शिवले तुम्बा तान्दै गर्दा शेर्पीनी छेउमा आएर बसिन् अनि भनिन् – ‘कस्तो छ तुम्बा ? आज मात्रै ल्याएको मैले त चाखेको पनि छैन । खै त !’ भनेर उनीले त्यहीबाट २\४ घुट्का तानेर छाडिन् । उसले तातोपानी थपी-थपी धेरै बेरसम्म त्यो तुम्बा तानेर नशाले चुर भएर छोरीले जुठो हालिदिएकाले खाना खान नपाएको कुरा सम्झेर घर फक्र्यो ।

कस्तो विडम्बना, आफैले जन्म दिएको छोरीको जुठो नचल्ने, तर होटलकी शेर्पीनी दिदीको जुठो चाँहि केही नहुने ।

[email protected]

Mobile no.-9851059950

Ghattekulo-29,Kathmandu


सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प २ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई २ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…