Sansar News- Nepal's Fast Khabar Online news portal

कविता : आशु

राजन पराजुली, चितवन
४ हप्ता पहिले
कविता : आशु

आईज आँशु तँ
साउने भेल सरि
वर्खामा लगातार परेको पानी सरि
खोलानालामा उर्लिएको बाढि सरि
तँ आँखाबाट आई रह ओईरो लागेर

जब तँ मेरा यी नयनबाट बाहिर निस्किन्छस्
मन हलुङ्गो हुन्छ
ढुङ्गा जस्तो साह्रो मन
छिन भरमा कपास जस्तो हलुङ्गो भईदिन्छ
मन भित्र खिल बनेर बसेका व्यथा
विस्तारै विस्तारै बाहिर निस्किदिन्छ

आईज आँशु तँ
कल धाराबाट पानी आए सरि
चर्को घाँमले हिउँ पग्लिएर जोडसँग बगे सरि
मुल फुटेर पानीको रफ्तार बढे सरि

मनभित्र पीर बोकेर
दुःख लाई कयौँ पटक सहेर
मैले सयौँ रातहरू आँखा नचिम्लि कटाएको छु
मन भित्रका लाखौ वेदनाहरू
आँशु तैले बरफको डल्लो पगाले झै पगालि दिन्छस्
एक टन भारी बोके झै गरूङ्गो मस्तिष्क
हजार चिज लिए झै भारि भयको मन
आँखाबाट तँ आउन साथ सितल भईदिन्छन्

आईज आँशु तँ
मेरा शरिरका हरेक अङ्ग अङ्ग रूजाउने गरि
मन भित्रका सम्पूर्ण पीर बगाउने गरि
फेवाताल भन्दा पनि ठूलो ताल बनाउने गरि
मेघ गर्जन सहित आएको पानी जसरी

मन भित्रका पीडा कसैलाई सुनायो भने
दुःख कसैलाई देखायो भने
घाउँमा नुन खुर्सानी छरे झै छर्कि्दिन्छन
दुःखिको झन मजाक बनाएर उडाई दिन्छन

आईज आँशु तँ
दुःख र पीडाको साथी बनेर
लागेको घाउँमा मलम बनेर
सँगसँगै यात्रा गर्ने सारथी बनेर

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ३ हप्ता पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ४ हप्ता पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर २ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ ४ हप्ता पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…