Sansar News- Nepal's Fast Khabar Online news portal

भाद्र १० देखि १५ सम्म नाडा अटो सो हुुने

राजेन्द्र बराल
४ हप्ता पहिले
भाद्र १० देखि १५ सम्म नाडा अटो सो हुुने


१ भाद्र, काठमाडौँ । यहि भाद्र १० गते देखि १५ गते सम्म ‘नाडा अटो मोवाइल्स एशोसियसन नेपाल’ले १५ औँ संस्करणको ‘नाडा अटो सो २०१९’ आयोजना गर्ने भएको छ । आइतवार राजधानीमा एक पत्रकार सम्मेलनको आयोजना गरी यो जानकारी दिइएको हो ।


उक्त अटो सो राजधानीको भृकुटीमण्डपमा आयोजना गर्न लागिएको छ । अटो सो को शिर्ष प्रायोजक सर्भो वल्र्ड क्लास लुब्रिकेन्ट्स रहेको पनि जानकारी दिइएको छ ।


नेपाली महान् चाड–पर्वहरुको पूर्वार्धमा आयोजना हुन गइरहेको यस प्रदर्शनीले अटो व्यवसायी, ग्रहाकवर्गहरु, गाडी प्रेमीहरु तथा अटो मोवाइल्ससँग प्रत्यक्ष, अप्रत्यक्ष रुपमा संलग्न सबैलाई उत्साह पूर्वक सहभागी गराउने विश्वास लिइएको आयोजकले जनाएको छ ।


प्रदर्शनीलाई वढि जानकारीमूलक, सेवामूलक र ग्रहाकमुखी बनाउन अटोसम्बन्धि सेवा सुविधा दिने; जस्तै वित्तिय सेवा, विक्रि पछिका सेवा एवम् इन्स्योरेन्सका छुट्टा छुट्टै स्टल रहने आयोजकले जनाएको छ ।


आम सर्वसाधारणलाई ट्राफिक नियम तथा सडक सुरक्षा सम्बन्धि सुुसूचित गराउने उद्देश्यका साथ महानगरीय प्रहरी महाशाखा काठमाडौँको सूचना कक्ष समेत प्रदर्शनीमा राखिने आयोजकले जानकारी दिएको छ ।


उक्त प्रदर्शनीमा साना ठूला गरि करिब १६० वटा स्टल र ब्लकहरु रहने छन् । प्रदर्शनीमा प्रख्यात अन्तर्राष्ट्रिय ब्राण्डका सवारी साधन र सवारी साधनमा लाग्ने पार्टपूर्जाका साथै लुब्रिकेन्ट्स पनि राखिने भएको छ ।


६ दिन सम्म चल्ने उक्त सोमा लगभग ७५ हजार आगन्तुकले अवलोकन गर्ने आयोजकको विश्वास रहेको छ । उक्त अवसरमा अवलोकनकर्ता को सुविधालाई ध्यानमा राखि दुईपाङ्ग्रे, चारपाङ्ग्रे, वित्तिय संस्था अटो कम्पोनेन्ट्स एवम् ग्यारेज उपकरणहरुको छुट्टा छुट्टै प्रदर्शनी राखिने आयोजकले जनाएको छ ।


उक्त अटो सोमा नाडाले यस वर्षको नयाँ आकर्षणको रुपमा ओमेगा अटोमोवाइल्सको जेन्टलमेन २०० सि.सी क्षमताको मोटरसाइकल टिकटको लक्कि ड्र गरि एकजना अवलोकन कर्तालाई उपहार दिने व्यवस्था गरेको जनाएको छ । प्रवेश शुल्क विद्यार्थीलाई १५० रुपैंयाँ र अरुलाई २०० रुपैंयाँ तोकिएको छ ।

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ३ हप्ता पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा ४ हप्ता पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर २ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ ४ हप्ता पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…