Sansar News- Nepal's Fast Khabar Online News Portal

झण्डा को खेती

संसार न्यूज़
४ वर्ष पहिले
झण्डा को खेती

kewal binabiजीवनको उत्तरार्धमा

आज झलझली सम्झिरहेछु
आफैले तुनेका
हजारौं हजार झण्डाहरु
र झण्डा भित्रका
हजारौं हजार झुन्डहरु।

यो पृथ्वीलाई लट्टाइ बनाएर
बेरेको भएआफैले तुनेको धागो
र चङ्गा जस्तै उडाएको भए
यो चन्द्र सुर्य अङ्कित झण्डा
नापी सक्थ्यो सायद
चन्द र सुर्य कै दूरी ।

ती झण्डा पोतिएको रातो रंग
पोतेको भए धर्ती भरि
फ़ेरिइ सक्थ्यो सायद
पृथ्वी को रङ
अर्थात
यो आकाश को रङ ।

मैले तुनेका झण्डा को बस्त्र बनाएर
बाँडेको भए वस्ती भरि
ढाकी सक्थ्यो सायद
हजारौं हजरको नाङ्गो आङ ।

म सम्झीरहेछु
जीवनको अन्तिम समयमा
जस्ले ओढेर गयो
चन्द सुर्य अङ्कित झन्डा
भनेको थियो
ढोक्कल दाइ
च्याती देउ भो
यो राजा महाराजाको झण्डा
सिलाउनु पर्छ अब
हाम्रो चार तारे झण्डा ।

अँह फेरिएन मेरो
जीवन को रङ ।

एक दिन
मेरो आँगनमा उभिए
मुट्ठी कसेका मान्छेहरु
र भने
चार तारा
ज्यान मारा
सिलाउनु पर्छ अब
विश्व सर्वहारा को झण्डा
च्यातेर हजारौं सपनाहरू
बर्षौ बर्ष सिलाइरहें
झुन्ड झुन्डका झण्डाहरु
जाति जाति का झण्डाहरु
धर्म धर्मका झण्डाहरु
ब्यक्ति ब्यक्ति का झण्डाहरु
रङ रङ का झण्डाहरु

तर आजकाल
निदाउन सकेको छैन फिटिक्कै
भन्नेले त
ढोक्कल बहुलाएछ भन्लान
भन्ने ले त
सानो जात ठुली बात पनि भन्लान्

तर,अफसोच
सोचिरहन्छु
किन सत्ताको सोपनमा चढ्दै गरेका
हरेक झण्डामा लतपतिएको देख्छु
सहिदको आलो रगत
र सिंहासनमा बिराजमान देख्छु
लेन्डुपको सग्लो आकृति ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ ५ दिन पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ३ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए ३ दिन पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…