back

मेरो चाहनाको देश बनोस्

वि.सं.२०७६ भदौ १३ शुक्रवार

114 

shares
NTC AD
Global IME AD

राज्यको जिम्मेवार पदमा वस्नेहरूले ठुल्ठुला कुरा वा काम गरेर जनताले खासै कुनै लाभ पाएका हुदैनन् । ठूला हैन, सरकारले प्रवाह गर्ने स–साना समस्याहरूका कारण बहुसंख्यक सर्वसाधारण जनता बढी दुःखी छन् ।

अंग्रेजीमा भनाई छ- Devils lie in details, तपसीलमा नै शैतानको बास हुने गर्छ । तपसील प्रमुख हो यसलाई व्यवास्ता गरेर गौण ठान्नु नेपालको मूल सार्वजनिक समस्या हो । जनताको ढोका अगाडी १० रूपैयाकौ घूसखोरी हुँदा पर्ने पीडा ठालूहरूले गर्ने करोडौंको घूसखोरी भन्दा बढी सकसपूर्ण हुन्छ । तपसीलमा ध्यान दिन थालेमा मुलुकमा सुशासन बिकसित हुन थाल्नेछ । यसका निम्ति प्रशासनमा संवेदनशील हृदय र उद्वेगयुक्त कार्यशैली खोज्छ ।

काममा आराम, आराममा कामको महसुस गरिएन भने बुझ्नुपर्छ जीवन ठीक ढंगले चलिरहेको छैन । काम र आराम अलग हुनुहुदैन । काम गरेर आराम गर्न मात्र मनलाग्यो वा आराम गर्दा मन बेचैन भयो र बिनाकाम चुप बस्नै सकिएन भने जीवनमा समस्या छ भन्ने बुझ्नुपर्छ । अध्यात्म वा योगमा रहदा सदासर्वदा काम वा सदासर्वदा आराम महसुस हुन्छ । अहिले सबैलाई ’न काम न आराम सदा सर्वदा आनन्द’ कसरी ? यो सिक्न सिकाउन जरूरी छ ।

प्रविधिको सुबिधाको क्रान्तिले गर्दा अहिले विगत भन्दा वर्तमान राम्रो छ र वर्तमान भन्दा भविष्य झन राम्रो हुदैछ । गएका पुस्ता भन्दा अहिलेका राम्रा र अहिलेका भन्दा भविष्यका पुस्ता झन आमदा हुनेछन् । वर्तमान विगतका कारण र भविष्य वर्तमानका कारण राम्रो हुन्छ । वर्तमान मात्र हाम्रो हातमा छ, आ–आफ्नो क्षमताको अधिकतम उपयोग र जिम्मेवारी पूरा गर्दै जाने हो, अरू सबै आफसे आफ सही हुदै जान्छ ।

गान्धी, बुद्ध, श्रीकृष्ण, राम, जिजस, मोहम्मद, महाबीर, शंकराचार्य, विवेकानन्द जस्तो महान सर्वकालिक सम्मानीत व्यक्तित्व हुन पाए हुन्थ्यो भनेर त सबै चाहन्छन् । तर तिनले त्यस चोटाको स्थानमा पुग्दा पार गर्नु परेका अनेक भयावह, दुरूह यात्राहरू गर्दाको कष्ठ बेहोर्न कसैले चाहन्नन् ।

नेपालीको मानसिकता सरकारले सबै काम छुमन्तर जसरी गर्न सक्नुपर्छ तर गरेन भन्ने छ । यो सही पनि हो, तर यसका लागि राजनीतिक पद्दति कस्तो छ त्यसमा भर पर्छ, न कि अमुक दल वा नेता को सरकारमा छ भन्नेमा !

समाजमा हाल व्याप्त बिकृति वा बिसंगति पुरानो दीर्घरोग पालेर बेलैमा उपचार नगर्दा पूरा छिप्पिएको जस्तो छ, जसलाई अटोक्रेटिक र असाधारण प्रकृयाबाट शल्यक्रिया नगरी ठीक हुने संभव देखिदैन । कति लोकतान्त्रिक र कति अटोक्रेटिक तरिका अवलम्बन गर्ने ? त्यसमा संतुलनको खा‘चो छ । कि रोग पालेर जीवनपर्यन्त दुःख भोग, कि क्षणिक पीडा सहेर पनि शल्यक्रिया गरी आनन्दसंग जिऊ !

जनताको समस्या समाधान जुम्से, लुम्से प्रशासन, न्यायालय र पुलिसबाट संभव छैन–सबैले बुझेका छन् । बेनेभोलेन्ट मेरिटोक्रेटिक डिक्टेटरको शासन प्रशासन बाहेक अरू पद्दति यहाँ निकम्मा ठहर्नेछ र यही देखिदै आएको छ, ०४७ सालदेखि जारी कुशासनयुक्त लोकतन्त्रमा !

मुलुकको चौतर्फी उन्नतिका तला थप्न नेपालले बिदेशी राष्ट्रप्रमुख वा सरकार प्रमुखहरूको समीट र अन्य अन्तर्रा्ष्ट्रिय स्तरका सम्मेलनहरू नियमित आयोजना गर्दै क्षमता विकास गर्दै जानुपर्छ । नेपालको पर्यटन विकासमा यसको प्रत्यक्ष योगदान गर्ने पक्ष हुन् । सम्मेलन आयोजना गर्दा मुलुकको धेरै क्षेत्रलाई अपडेटेड र दुरूस्त सक्रिय राख्न पर्ने हुन्छ ।

मेरो चाहना छ– नेपाल विश्वकै १ नं पर्यटकीय मुलुक बनोस्, यसका लागि जे–जे पूर्वाधार, व्यवस्थापन र विशेषज्ञता बिकसित गर्नुपर्छ छिटो गर्दै जाओस् । क्राईसिस म्यानेजमेन्टले हैन, योजनाबद्ध म्यानेजमेन्टले मुलुक चलोस् । काममा पोक्त हुन काम गरेको अनुभव बटुलेको हुनुपर्छ, जसरी पौडी सिक्न पोखरीमा पस्नैपर्छ ।

उपाध्याय नेपाल सरकारका पूर्वसचिव हुन्

वि.सं.२०७६ भदौ १३ शुक्रवार ०८:५२ मा प्रकाशित

NLIC AD
NABIL bank AD
मिठो चिनी जब चिनी तीतो हुन थाल्छ

मिठो चिनी जब चिनी तीतो हुन थाल्छ

डा अरुणा उप्रेती, काठमाडौँ । मिठाइ धेरैलाई मन पर्ने खाद्यवस्तु...

नेपाल–अष्ट्रेलिया सम्बन्ध – दुःख पर्दाको साथी

नेपाल–अष्ट्रेलिया सम्बन्ध – दुःख पर्दाको साथी

१. विषय–प्रवेश नेपाल र अष्ट्रेलिया बहुआयामिक सम्बन्ध भएका दुई मित्र...

लघुवित्त अराजक गतिविधीको चेपुवामा   – ‘ऋणिमैत्रि व्यवहार समाधानको मुल आधार’

लघुवित्त अराजक गतिविधीको चेपुवामा – ‘ऋणिमैत्रि व्यवहार समाधानको मुल आधार’

लघुवित्त सामाजिक व्यवसाय भएता पनि व्यापारी बन्न पुग्यो र नाफा...

संरक्षण र प्रवर्द्धनको पर्खाइमा रूम्जाटारको राडीपाखी

संरक्षण र प्रवर्द्धनको पर्खाइमा रूम्जाटारको राडीपाखी

ढाड दुख्नेङ विमारीहरूका लागि राडीपाखी वरदान नै हो। हातले बुनेका...

अनलाइन हिंसाको बढी मारमा महिला र बालबालिका

अनलाइन हिंसाको बढी मारमा महिला र बालबालिका

काठमाडौँ । नेपाल प्रहरीको साइबर ब्युरोको तथ्याङ्क भन्छ, ‘पछिल्लो पाँच...

महिलाको वर्तमान अवस्था : प्रगति, चुनौती र अवसर

महिलाको वर्तमान अवस्था : प्रगति, चुनौती र अवसर

विष्णु गुरुङ एकता,पोखरा हालैका वर्षहरूमा, समाजमा महिलाहरूले विभिन्न क्षेत्रमा महत्त्वपूर्ण...