Sansar News- Nepal's Fast Khabar Online News Portal

उन्नत जातको गाईपालनले गाउँकै विकास

संसार न्यूज़
६ महिना पहिले
उन्नत जातको गाईपालनले गाउँकै विकास

१८ भदौ, अमरगढी । डडेल्धुरा जिल्लाको भित्री मधेश क्षेत्रमा पर्ने आलिताल गाउँपालिका बासिन्दाले व्यवासायिक रुपमा उन्नत जातका गाईपानलबाट गाउँकै विकास गरेका छन् । नेपाल सरकारले शुरु गरेको कवुलियती वन तथा पशु विकास अवधारणाअनुसार स्थानीयवासी उन्नत जातको गाईपालनमा जुटेका हुन् ।

जिल्लाका अधिकांश क्षेत्रमा स्थानीयवासीको जिम्मामा रहेका वनलाई कवुलियती वनमा परिणत गरी ४० वर्षसम्म समूहलाई जिम्मा दिने निर्देशिकामा उल्लेख भए बमोजिम उक्त गाविस–८ सेरीका बासिन्दाले विगत तीन वर्षदेखि सेरी वन समूह बनाई डाँडा खोलामा डाले घाँस रोपेर वन संरक्षण पनि गर्दै आएका छन् ।

त्यहाँबाट उत्पादित घाँस प्रयोग गरी उन्नत जातका गाईपालन गरेर मनग्य आम्दानी गरिरहेका भेटेरीनेरी अस्पताल तथा पशु विज्ञ केन्द्रका प्रमुख खड्गबहादुर शाहाले बताउनुभयो । दुईवटा गाईपालनबाट शुरु गरिएकामा अहिले ४० जर्सी गाई पालेर दूध बेची अर्थोपार्जन गर्दै आएको थानीयवासी लालबहादुर बुढाले जानकारी दिए।

समूहले उक्त केन्द्रको आर्थिक सहयोगमा ५०० लिटरको दूध चिस्यान केन्द्रसमेत स्थापना गरी किसानबाट सङ्कलित दूध कैलालीस्थित खप्तड डेरीलाई दुई दिनमा ५०० लिटर दिने गरेको सहकारी दूध सङ्कलन केन्द्रका अध्यक्ष अमर बुढाले बताए ।

उनका अनुसार यसअघि गाउँका युवा रोजगारीका लागि भारत जाने गरेकामा अहिले गाउँमै व्यावासायिक रुपमा उन्नत जातको गाईपालनमा जुटेकाले उनीहरूको जीविकोपार्जनमा पनि सहज भएको छ ।

सेरीका बासिन्दाले दूध बेचेर चामल किनेर खान थाल्नाका साथै छोराछोरीलाई विद्यालय पनि पठाउन थालेका छन् । अहिलेसम्म तीनजनाले मात्र एसएलसी पास गरेका सो ठाउँमा पछिल्लो समय सबैले छोराछोरीलाई पढाउन थालेका हुन् । (रासस)

सर्बाधिक पढिएको

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा)

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा) २ दिन पहिले | संसार न्यूज़

सरकारले प्रहरी कर्मचारीलाई नेपाल प्रहरी तथा प्रदेश प्रहरीमा समायोजन गर्ने…

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य ३ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? १ हप्ता पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? ३ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…