१९ भदौ, गेनिया । गैरआवासीय नेपाली संघ, ईक्युटरिएल गेनिया राष्ट्रिय समन्वय परिषद्को दोस्रो राष्ट्रिय महाधिवेशन सम्पन्न भएको छ ।
सेप्टेम्बर १ मा मलावो शहरमा सम्पन्न भएको परिषद्को महाधिबेशनले कृष्णचन्द्र सेढाईलाई अध्यक्षमा निर्वाचित गरेको हो ।
सेढाईको अध्यक्षतामा निर्विरोध निर्वाचित गरिएको नौ सदस्यीय उक्त नयाँ कार्यसमितिको उपाध्यक्षद्धयमा सुमन बिके, बिष्णुहरि सेढाई, महासचिवमा दुतराज लामा, कोषाध्यक्षमा मान बहादुर कार्की तथा सदस्यहरुमा लबकुमार थपलिया, किशोर साह, प्रतीक थपलिया र सुनिल बिके रहेका छन् ।
उक्त महाधिबेशनमा मालाबो तथा बाटा सहरमा बसोबास गरिरहेका नेपालीहरुको सहभागिता रहेको थियो । त्यसैगरी सभामा अध्यक्ष, महासचिव तथा कोषाध्यक्षहरुले प्रस्तुत गरेको प्रतिबेदनलाई सभाबाट अनुमोदन गरिएको थियो ।
सभामा निर्वाचन संयोजक किशोर साहले नवनिर्वाचित पदाधिकारीहरुको घोषणा गर्दै सफल कार्यकालको लागि शुभकामना ब्यक्त गरेका थिए । साथै नवनिर्वाचित पदाधिकारीहरुलाई पद तथा गोपनियताको सपथ खुवाएका थिए । चुनावी प्रकृया अनुगमनका लागि प्रतीक थपलियालाई मनोनित गरिएको थियो ।
वि.सं.२०७६ भदौ १९ बिहीवार १५:०८ मा प्रकाशित