Sansar News- Nepal's Fast Khabar Online News Portal

महिनावारी हुँदा पेट दुखेर आत्तिनु भएको छ ? त्यसो भए यसो गर्नुहोस्

संसार न्यूज़
९ महिना पहिले
महिनावारी हुँदा पेट दुखेर आत्तिनु भएको छ ? त्यसो भए यसो गर्नुहोस्

महिनावारी भनेको शारीरिक परिवर्तनमध्येको एउटा परिवर्तन हो । साधारणतया महिनावारी १२ देखि १५ वर्षको उमेरमा सुरु हुने गर्दछ । कसैकसैमा ९–१० वर्षमा पनि महिनावारी सुरु हुने गर्दछ यसलाई साधारण नै मानिन्छ । महिनावारीलाई खानपान, हावापानी र जीवनशैलीले पनि प्रभाव पार्ने गर्दछ । यो शरीरमा रहेको हर्मोनमा आउने परिवर्तनका कारणले हुने गर्दछ ।

महिनावारी हुँदा तल्लो पेट र ढाड दुख्ने सामान्य नै मानिन्छ । महिनावारी हुनुभन्दा केही दिन पहिले शरीरमा भएको हर्माेनको मात्रामा परिवर्तन आउने गर्दछ । जसले गर्दा पनि पेट दुख्ने गर्दछ ।
महिनावारी हुँदाको दुखाइ धेरै महिलाहरुको साझा समस्या हो । यसले महिलाहरुको मानसिक स्वास्थ्यलाई समेत प्रभाव पारिराखेको हुन्छ । महिनावारी भएको समयमा मात्र पेट दुख्नु सामान्य हो तर कुनै महिलालाई निरन्तर पेट दुखिरहन्छ भने उपचारको अर्काे बाटो नै रोज्नुपदर्छ ।
चिकित्सकका अनुसार महिनावारी हुँदा पेट र ढाँड दुख्नुलाई सामान्य नै मानिन्छ । तर, यसलाई सामान्य मात्र नलिई महिला विशेषज्ञसँग परामर्श लिनुपर्छ ।

सामान्यरुपमा महिनावारी हुँदा पेट दुखाइलाई कम गर्न निम्न प्रक्रिया अपनाउन सकिन्छ :

-घरेलु तरिका अपनाएर पनि महिनावारी हुँदा पेट दुख्ने समस्यालाई कम गर्न सकिन्छ । हट वाटर व्याग, रुमाल वा सुतीको कपडालाई तातो पानीमा भिजाएर पेटको वरिपरि राख्न सकिन्छ ।

-हट वाटर ब्याग नभएको खण्डमा सिसाको बोतलमा तातो पानी राखेर पनि दुखेको ठाउँमा सेक्न सकिन्छ यसले पनि दुखाइलाई केही राहत दिन्छ ।

-त्यसैगरी दुखेको ठाउँमा बिस्तारै हल्का मालिस गर्दा पनि दुखाइ कम गर्छ ।
बेला–बेलामा तातो पानी पिउनुहोस् । जस्तै सुप, दूध चिया जस्ता झोल पदार्थको बढी सेवन गर्नुहोस् ।

-महिनावारीको समयमा शरीरमा रहेको विषात्त, रगत जाने भएको हुँदा कमजोरी पनि महसुस हुन्छ । यस्तो बेलामा खानपानमा बढि ध्यान दिनुहोस् ।

-साविकको भन्दा बढि फलफूल, गेडागुडीको रस हरिया सागसब्जी खानहोस् । जसले गर्दा शरीरलाई कमजोर हुन दिँदैन ।

-त्यस्तै महिनावारी भएको समयमा गह्रौं काम नगर्नुहोस् । हल्का व्यायाम भने गर्नुपर्छ । हल्का व्यायामले दुखाइलाई केही मात्रामा भए पनि कम गर्दछ ।

-त्यस्तै तनाव नलिनुहोस् । तनावले पनि शरीरलाई कमजोर बनाइदिन्छ । यदि तपाईले घरेलु उपचार गर्दा पनि दुखाई कम नभएमा चिकित्सकको सल्लाह लिन सक्नुहुन्छ ।

सर्बाधिक पढिएको

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’

‘संक्रमित व्यक्तिले छुदैमा वा कुरा गर्दैमा कोरोना भाइरस सर्दैन’ १ हप्ता पहिले | संसार न्यूज़

कोरोना संक्रमण कसरी सर्छ ? कति खतरनाक छ ? मृत्युदर…

भारतबाट नेपाली फर्काउन प्रवासी नेपाली संघ भारतको अनुरोध

भारतबाट नेपाली फर्काउन प्रवासी नेपाली संघ भारतको अनुरोध ४ हप्ता पहिले | संसार न्यूज़

२० वैशाख । प्रवासी नेपाली संघ भारत केन्द्रीय समितिले भारतमा…

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ?

मन्त्री पदमा अर्याललाई एक शिक्षिकाको पत्र, नक्शा बारे के भनेर पढाऊँ ? २ हप्ता पहिले | संसार न्यूज़

विद्यार्थीले 'लिपु, लिम्पियासहितको नेपालको नक्शा आईसक्यो, अहिलेको नक्शा त गलत…

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए

कोरोनालाई जित्दै नेपाल, आजपनि संक्रमणबाट मुक्त भएर २१ जना घर फर्किए १ हप्ता पहिले | संसार न्यूज़

९ जेठ, काठमाण्डौं । नेपालमा पछिल्लोपटक कोरोना संक्रमणबाट निको हुनेको…