Sansar News- Nepal's Fast Khabar Online news portal

कविता : फाँसी

भावकेशर बराल, सिन्धुली, हाल-पेप्सीकोला
२ हप्ता पहिले
कविता : फाँसी

अचानक एकादुई मानिसहरू
सडकमा निस्किए
र, नारा लगाए–
फाँसी दे ! फाँसी दे !!

अघिसम्म सुनसान उभिएको थियो बस्ती
मौन थिए बस्तीभरि छरिएका सडकहरू
मौन उभिएको थियो घरनजिकैको चौतारो
मौन थिए घरका आँगन, दलाल र फलैँचा
सायद मानौँ मौनधारणमै थिए–धर्ती र आकाश ।

हुन त
क्षितिजतिर कतै बिहानी पखेटा फटफटाउँदै थियो समय
भरखरै लोलाउँदै थियो होला रातभरि जाग्राम बसेको जून
र, जूनसितै विश्रामकक्षमा सुस्केरा हाल्दै थिए होलान् तारा
झुल्किन खोज्दै थियो पूर्वमा गुराँसको लालीमाजस्तै घाम
सपना च्यापेर शिरानीभित्र रहरका आँखा खुल्दै थिए क्रमशः

अचानक पर आग्नेयतिर पुतपुताउन थाल्यो धुवाँ
ईशानतिर चिरबिराउन थाले हुटिट्याउँका हुल
नैर्ऋत्यतिर भेला हुन थाले अँगारजस्ता बादल
र, वायव्यतिर बहन थाल्यो वायुको झोक्का ।

अचानक एक हुल मानिसहरू
चोकमा भेला भए
र, नारा लगाए
फाँसी दे ! फाँसी दे !!

हेर्दा हेर्दै
धुवाँहरू डँडेलो बनेर सल्किए
हुटिट्याउँहरू हुच्चील भएर बास्न थाले
बादलका टुक्राहरू एकाएक नरसिंह बने
अनि, सुनामी बनेर आयो आँधीको वेग ।

अचानक हुलका हुल मानिसहरू
जताततै जम्मा भए
र, नारा लगाए
फाँसी दे ! फाँसी दे !!

सर्बाधिक पढिएको

रविबाट पीडित भएका शम्भुले भने-‘म पनि आत्महत्या गर्न चाहान्थे’

रविबाट पीडित भएका शम्भुले भने-‘म पनि आत्महत्या गर्न चाहान्थे’ ४ हप्ता पहिले | संसार न्यूज़

५ भदौ, काठमाण्डौं । सर्लाहीका शम्भुकृष्ण शाह सर्लाही क्याम्पसमा पढाउने…

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा

पत्रकार पुडासैनीको पोष्टमार्टम रिर्पोट आयो, यसबारे प्रहरीले खुलाएन, सिआइबीको टोली चितवनमा १ महिना पहिले | दीपेन्द्र अधिकारी चितवन

२ भदौ, चितवन। चितवनको नारायणगढस्थित बसपार्कमा रहेको कंगारु होटलमा आत्महत्या…

शिक्षक लाईसेन्स : आज नेपाली विषयको नमुना वस्तुगत प्रश्नोत्तर

शिक्षक लाईसेन्स : आज नेपाली विषयको नमुना वस्तुगत प्रश्नोत्तर २ महिना पहिले | संसार न्यूज़

२४ असार, काठमाडौँ । शिक्षकको पेसागत विकासले गुणस्तरीय शिक्षा प्रदान…

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’

पत्रकार किशोर भन्छन्–‘भिडियो परिवारले नै दिएको हो, रवि लामिछानेको निर्दोषिता प्रमाणित होस्’ १ महिना पहिले | संसार न्यूज़

३२ साउन, काठमाण्डौं । पत्रकार किशोर श्रेष्ठले पत्रकार शालिकराम पुडासैनीले…