२२ भदौ, काठमाण्डौं । भारतीय राष्ट्रपति रामनाथ कोविंदको विदेश यात्रा पाकिस्तानले रोक्ने भएको छ ।
सोमबारदेखि तीन देशको भ्रमणमा जान लागेका राष्ट्रपति कोविंदको बाटो पाकिस्तानले आफ्नो देशको आकास प्रयोग गर्न नदिने भन्दै बाटो रोकेको हो ।
भारतको राष्ट्रिय चिन्ता र चासोको रुपमा रहेको काश्मिरको पुलवामा भएको यो वर्षको आतंकाकारी आक्रमण मानिएको विषयमा आइसल्याण्ड, स्वीजरल्याण्ड र स्लोभानियाका नेतृत्वलाई जानकारी दिने कार्यक्रम रहेको अवस्थामा पाकिस्तानले यस्तो चाल चलेको भारतीय संचारमाध्यमले जनाएका छन् ।
सोमबार तीन देशका लागि हुने राष्ट्रपति कोविंदको भ्रमणका लागि पाकिस्तानको हवाईक्षेत्रबाट विमान लैजान दिन सम्बन्धी भारतले गरेको अनुरोध पाकिस्तानले अस्वीकार गरेको बताइएको छ । पाकिस्तानका विदेशमन्त्री शाह महमुद कुरैशीले शनिबार राष्ट्रपति कोविंदको हवाई यात्रा आफ्नो देशको आकास प्रयोग गर्न दिने अनुरोध अस्वीकार गरेको बताइएको छ ।
विदेशमन्त्री कुरैशीले सरकारी टेलिभिजन पिटीवीसँग भने कि, कश्मिरको तनावपूर्ण स्थितिको मध्येनजर गर्दै प्रधानमन्त्री इमरान खानले यस्तो निर्णय लिएका हुन् । ऐजेन्सी
विदेशमन्त्री कुरैशीले सरकारी टेलिभिजन पिटीवीसँग भने कि, कश्मिरको तनावपूर्ण स्थितिको मध्येनजर गर्दै प्रधानमन्त्री इमरान खानले यस्तो निर्णय लिएका हुन् । ऐजेन्सी
तस्बिर : गुगल
वि.सं.२०७६ भदौ २२ आइतवार १८:१८ मा प्रकाशित