Sansar News- Nepal's Fast Khabar Online News Portal

बजेट कार्यान्वयन शुरु

संसार न्यूज़
६ महिना पहिले
बजेट कार्यान्वयन शुरु


२४ भाद्र, काठमाडौँ । चालु आर्थिक वर्षमा रु ६१ करोड बजेट रहेको मकवानपुरको मनहरि गाउँपालिकाले बजेटको कार्यान्वयन प्रक्रिया शुरु गरेको छ ।

गाउँपालिकाले सबै वडालाई पत्राचार गरी १५ दिनभित्र उक्त बजेट अन्तर्गतका योजना कार्यान्वयनका लागि उपभोक्ता समिति गठन गर्न भनेको छ ।

गाउँपालिकाका प्रमुख प्रसाशकीय अधिकृत देवराज चौलागाईंले सबै वडामा उपभोक्ता समिति गठनका लागि पत्राचार गरेको जानकारी दिए । उपभोक्ता गठनपछि बजेट कार्यान्वयन हुनेछ ।

गाउँपालिकामा अघिल्ला भन्दा यस वर्ष कम योजना बनेको बताइएको छ । उक्त योजना गाउँसभाबाट पारित भइसकेका छन् । गाउँपालिकाबाट उपलब्ध तथ्याङ्कअनुसार वडा नं १ मा २२, २ मा २३, ३ मा ४, ४ मा १२, ५ मा २०, ६ मा १७, ७ मा ३३, ८ मा ३० र ९ मा २९ वटा योजना गाउँसभाबाट पारित भइसकेको छ ।

यसवर्ष गाउँपालिकाले रु ६१ करोडको बजेट योजना निर्माण गरी कार्यान्वयन गरी रहेको गाउँपालिकाका अध्यक्ष एकराज उप्रेतीले जानकारी दिए ।

देशकै ठूलो कृषि थोक बजार बन्ने

कृषि उपजको बजारीकरणको समस्या समाधान गर्न तीन तहको सरकारको पहलमा करीब रु ७० करोड लागतमा हेटौँडामा देशकै ठूलो कृषि थोक बजार केन्द्र निर्माण हुने भएको छ ।

कृषि तथा पशुपक्षी विकासमन्त्री चक्रपाणि खनालका अनुसार देशभर सरकारले रु ५० करोड भन्दा माथिको लगानीमा नौ वटा कृषि थोक बजार केन्द्र निर्माण गर्दैछ । करीब रु ७० करोडको लागतमा निर्माण हुने आधुनिक कृषि थोक बजार केन्द्र निर्माण भएपछि नेपाली किसानको उत्पादनको बजारीकरण र प्रवद्र्धनमा ठूलो टेवा पुग्ने विश्वास गरिएको छ । केन्द्र सरकारले विस्तृत परियोजना प्रतिवेदन (डिपिआर) सम्पन्न गरिसकेको कृषि थोक बजार केन्द्रको निर्माणमा प्रदेश ३ सरकार र हेटौँडा उपमहानगरपालिकासमेत लागि परेका छन् ।

प्रदेश ३ सरकार कृषि बजारलाई सकेसम्म चाँडो निर्माण सम्पन्न गराएर सञ्चालनमा ल्याउन चाहिरहेको बताउनुहुन्छ प्रदेश ३ का भूमि व्यवस्था, कृषि तथा सहकारीमन्त्री दावा दोर्जे लामा । उनका अनुसार बजार निर्माणको काम दुई वर्ष्भित्र सम्मन्न भएर सञ्चालनमा आउँनेछ । बजार आधुनिक, हरेक सुविधा सम्पन्न र किसानमैत्री हुने उनको भनाइ थियो ।

उपमहानगरले तरकारी बजार निर्माणको काम चाँडो शुरु गर्न आफ्नो तर्फबाट पहल गरिरहेको र काम अघि बढाउन प्रदेश र सङ्घीय सरकारलाई घचघच्याई रहेको बताइएको छ ।

किसान महासङ्घका केन्द्रीय सदस्य महानन्द सापकोटा बिचौलियाको समस्या समाधानका लागि सरकारको प्रत्यक्ष हस्तक्षेप सहितको तरकारी तथा कृषि उपज थोक बजार केन्द्र आवश्यक रहेको बताउँछन् । सरकारले सिँचाइ र दक्ष कृषि प्राविधिक परिचालन गरेर उत्पानदमा जोड दिनुको साथै उत्पादित कृषि उपजको उचित मूल्य आउनेगरी बजारीकरण गर्नुपर्ने उनको भनाइ छ । “किसानसँग रु १५ मा किनेर ५० मा बेच्ने हाल सञ्चालन भइरहेका जस्ता किसानमारा तरकारी थोक बजार केन्द्रको आवश्यकता छैन ” उनले भने ।

हेटौँडा, ११ स्थित बजार केन्द्र निर्माणस्थलको सङ्घीय कृषि तथा पशुपक्षी विकासमन्त्री खनाल र प्रदेश ३ का कृषिमन्त्री लामालगायत कृषि विज्ञको टोलीले केही दिनअघि अवलोकन समेत गरेको थियो । (रासस)

सर्बाधिक पढिएको

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा)

यस्तो छ, प्रहरी कर्मचारीलाई समायोजन गर्न बनेको विधयेक(हेर्नुस् विस्तृतमा) २ दिन पहिले | संसार न्यूज़

सरकारले प्रहरी कर्मचारीलाई नेपाल प्रहरी तथा प्रदेश प्रहरीमा समायोजन गर्ने…

अख्तियारको भनाई गलत –संविधानविद् आचार्य

अख्तियारको भनाई गलत –संविधानविद् आचार्य ३ हप्ता पहिले | संसार न्यूज़

संविधानविद्  डा.  भिमार्जुन आचार्यले अख्तियार दुरुपयोग अनुसन्धान आयोगले ललित निवास…

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ?

कहाँ-कहाँ अनि कहिले हुँदै छ भुतपूर्व सैनिक सम्मेलन ? नाम दर्ताका लागि के-के कागजात चाहिन्छ त ? १ हप्ता पहिले | संसार न्यूज़

५ फागुन, काठमाण्डौ । नेपाली सेनाको व्यवस्थापन तथा नेपाली सेना…

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ?

नेकपाको प्रवास कमिटीले पूर्णता पायो, हेर्नुहोस् कुन देशको नेतृत्व कस्ले गरे त ? ३ हप्ता पहिले | संसार न्यूज़

२४ माघ, काठमाण्डौं । नेपाल कम्युनिष्ट पार्टी (नेकपा) ले आफ्नो…