बुधबार जन्मने मानिसहरुको हाइट कम हुन्छ । उनीहरुमा फूर्ति हुन्छ । कुनै पनि काम गर्नका लागि उनीहरुमा जाँगर हुन्छ । त्यस्तै मानसिक तथा शारिरीक रुपमा पनि उनीहरु फुर्तिला हुन्छन् । उच्चस्तरीय तरिकाबाट जीवन जीउने कोशिषमा हुन्छन् । उनीहरु शालीनताका साथ जीवन जीउँछन् ।
बुधबार जन्मिएका मानिसहरु उच्च पदमा हुन्छन् । व्यापार व्यवसायमा राम्रो हुन्छ । ललितकलामा उनीहरुको मन जान्छ । राम्रो लेखक बन्न सक्छन् । उनीहरुमा संगीत प्रेम तथा लगाव हुन्छ । यदि जन्मकुण्डलीमा बुध कमजोर रहेको छ भने उनीहरुमा यी लक्षणका विपरीत हुन्छ ।
उनीहरुको राशि कन्या र मिथुन हुन्छ । उनीहरुलाई हाँसो राम्रो लाग्छ । जीवन जीउने तरिका उनीहरुले जानेका हुन्छन् । जिज्ञासुपन उनीहरु जन्मजातै लिएर आएका हुन्छन् । बुधबार जन्मनेहरु धार्मिक हुन्छन् । बुद्धिमान हुन्छन् । बुद्धिद्धारा अरुलाई राम्रो शिक्षा दिन्छन् । मिठो बोलेर अरुलाई प्रभावित बनाउँछन् । बुधबार जन्मिएका महिलाहरु पढाईमा तिक्ष्ण हुन्छन् ।
बुधबार जन्मिएकाहरु राम्रो सिए, वकिल, शिक्षक बन्न सक्छन् । साथै कसैका लागि उनीहरु रोलमोडल पनि बन्न सक्छन् । उनीहरुमा विभिन्न कला भरिएको हुन्छ । बुधबार जन्मिएका महिला या पुरुष उनीहरु जीवनलाई सहज ढंगले अगाडि बढाउन सक्छन् ।
त्यस्तै बुधबार जन्मिएकाको विशेष रंग हरियो हुन्छन् । ज्योतिष ज्ञान भन्छन् त्यस्ता व्यक्तिले बुधबार हरियो रंग लगाउँदा राम्रो हुन्छ । हरियो रंगको कपडा लगाउने या साथीभाई, आफन्त वा परिवारका हरियो रंगको वस्तु उपहार दिने वा बाहिर दान गर्दा राम्रो हुन्छ ।
लाखौ करोडौ मानिसहरु बुधबार जन्मिएका हुन्छन् । सबैको जीवनमा यस्तै हुन्छ भन्ने छैन । तर बुधबार जन्मिएका मानिसहरुमा शालीनता र वैभवका साथ आफ्नो जीवन बिताउँछन् ।
वि.सं.२०७६ भदौ २५ बुधवार ०९:३१ मा प्रकाशित